Astanada 30-ǵa jýyq avtokólik dóńgelegin urlap, satyp jibergen 23 jastaǵy shetel azamaty ustaldy. Keltirilgen shyǵyn kólemi 7 million teńgege jýyq, dep habarlaidy ult.kz.
Polisia.kz málimetinshe, Baiqońyr aýdandyq politsiia basqarmasynyń málimetinshe, kúdikti elordadaǵy dámhanalar jelisiniń birinde jumys istegen. Mekeme qyzmetkerleri maýsymdyq dóńgelek aýystyrý jumystarynan keiin alynǵan dóńgelekterdi qoimaǵa saqtaýǵa qoiǵan.
Qoimadaǵy múlikterdiń ornalasqan jerin jaqsy biletin jumysshy dóńgelekterdi birtindep jasyryn alyp shyǵyp otyrǵan. Keiin satyp alýshylar taýyp, olarǵa qoima iesi úi-jaidy bosatýdy tapsyrǵanyn aityp, urlanǵan múlikti satyp jibergen. Túsken aqshany jeke qajetine jumsaǵan.
Biraz ýaqyttan keiin avtokólik ieleri dóńgelekteriniń joǵalǵanyn baiqap, politsiiaǵa shaǵymdanǵan. Jalpy materialdyq shyǵyn 7 million teńgeni quraǵan.
Qylmystyń áshkerelengenin bilgen kúdikti Qazaqstannan shyǵyp, óz eline ketken. Alaida jedel-izdestirý sharalary barysynda onyń elge qaita oralǵany anyqtalyp, politsiia qyzmetkerleri ony ustady.
Qazir atalǵan derek boiynsha sotqa deiingi tergeý júrgizilip jatyr. Kúdikti qamaýǵa alynǵan. Sondai-aq onyń osyǵan uqsas basqa da qylmystarǵa qatysy bar-joǵy tekserilýde.
