قازاقستاندا 3 قاراشادان باستاپ ەيەلدەرگە ارنالعان «ۇماي» يپوتەكالىق باعدارلاماسىنا ٶتٸنٸم قابىلداۋ باستالدى. بۇل جولى باعدارلاماعا ازييا دامۋ بانكٸ بٶلگەن 20 ملرد تەڭگە كٶلەمٸندەگٸ ەكٸنشٸ ترانش باعىتتالىپ وتىر. العاشقى 9 ملرد تەڭگەلٸك قارجى 2026 جىلعى 31 تامىزدا نەبەرٸ جەتٸ ساعات ٸشٸندە تولىق يگەرٸلگەن بولاتىن, دەپ حابارلايدى ult.kz.
«ۇماي» باعدارلاماسىنىڭ نەگٸزگٸ تالاپتارى ٶزگەرگەن جوق. ەيەلدەر تۇرعىن ٷي ساتىپ الۋ ٷشٸن 50 ملن تەڭگەگە دەيٸن, ال باسپانا جٶندەۋگە 15 ملن تەڭگەگە دەيٸن نەسيە رەسٸمدەي الادى.
جىلدىق پايىزدىق مٶلشەرلەمە – 14,8 پايىز. جىلدىق تيٸمدٸ سىياقى مٶلشەرلەمەسٸ (جتسم) 16,3–16,8 پايىز ارالىعىندا. باستاپقى جارنا ٸرٸ قالالاردا 20 پايىزدان, ٶڭٸرلەردە 15 پايىزدان باستالادى.
باعدارلاماعا قاتىسۋ ٷشٸن وتباسىنىڭ ايلىق تابىسى 1 ملن 250 مىڭ تەڭگەدەن اسپاۋى كەرەك. سونىمەن قاتار ٶتٸنٸش بەرۋشٸ سوڭعى التى ايداعى تٶلەم قابٸلەتتٸلٸگٸن راستاۋعا جەنە ساتىپ العان نەمەسە جٶندەگەن تۇرعىن ٷيدە تۇرۋعا مٸندەتتٸ.
بانك تابىس كٶزٸ رەتٸندە جالاقىنى عانا ەمەس, زەينەتاقىنى, شەكٸرتاقىنى, كەسٸپكەرلٸك قىزمەتتەن تٷسەتٸن كٸرٸستٸ جەنە باسقا دا تۇراقتى تٶلەمدەردٸ ەسەپكە الادى. قاجەت بولعان جاعدايدا قوسالقى قارىز الۋشىنى تارتۋعا مٷمكٸندٸك بار.
العاشقى ترانش كەزٸندە ٶتٸنٸم قابىلداۋ سايتىندا تەحنيكالىق ٸركٸلٸستەر تۋىنداپ, كٶپتەگەن ەيەل ونلاين تٸركەلۋدە قيىندىققا تاپ بولعان ەدٸ. بۇل جولى «وتباسى بانك» ٶتٸنٸم بەرۋدٸڭ ٷش تەسٸلٸن ۇسىندى:
- بانك كەڭەسشٸسٸ ارقىلى: ماماندار تٶلەم قابٸلەتتٸلٸگٸن الدىن الا باعالاپ, قۇجاتتاردى رەسٸمدەۋگە كٶمەكتەسەدٸ;
- ونلاين: «بەينە-قىزمەت كٶرسەتۋ» سەرۆيسٸ ارقىلى وپەراتوردىڭ كٶمەگٸمەن ٶتٸنٸم بەرۋگە بولادى;
- بانك بٶلٸمشەسٸندە: قۇجاتتاردى تٸكەلەي تاپسىرۋعا مٷمكٸندٸك بار.
ايتا كەتەيٸك, العاشقى ترانشتىڭ قىسقا ۋاقىت ٸشٸندە تاۋسىلۋى باعدارلاماعا دەگەن سۇرانىستىڭ جوعارى ەكەنٸن كٶرسەتتٸ. سوندىقتان باسپانا الۋدى جوسپارلاعان ەيەلدەرگە نەسيە تالاپتارىن الدىن الا زەردەلەپ, قاجەتتٸ قۇجاتتارىن دايىنداپ قويعانى جٶن.
