الماتىدا قىزمەتتٸك مٸندەتٸن اتقارۋ كەزٸندە قازا تاپقان پوليتسەيلەردٸڭ جەسٸرلەرٸ ەلەۋمەتتٸك تٶلەمدەردٸڭ ازايعانىنا شاعىمداندى. ەيەلدەردٸڭ ايتۋىنشا, قايتا ەسەپتەۋدەن كەيٸن كەيبٸر وتباسىلارعا نەبەرٸ 98 تەڭگە جەنە 1 880 تەڭگە كٶلەمٸندە تٶلەم تاعايىندالعان. بۇعان دەيٸن اۋدارىلعان قاراجات تا «ارتىق تٶلەم» دەپ تانىلعان. الماتى قالالىق پوليتسييا دەپارتامەنتٸ جاعدايعا قاتىستى تٷسٸنٸكتەمە بەردٸ, دەپ حابارلايدى ult.kz.
Tengrinews.kz مەلٸمەتٸنشە, جەسٸر ەيەلدٸڭ ايتۋىنشا, قازا تاپقان پوليتسەيلەردٸڭ وتباسىلارى 2023 جىلدان بەرٸ مارقۇم قىزمەتكەردٸڭ جالاقىسىنىڭ 40 پايىزى مٶلشەرٸندە ەر وتباسى مٷشەسٸنە تٶلەنەتٸن قاراجاتتى الۋعا تىرىسىپ كەلەدٸ. 2026 جىلى تٶلەمدەر باستالعانىمەن, بٸرنەشە ايدان كەيٸن ولار قايتا ەسەپتەلٸپ, بۇرىن اۋدارىلعان اقشا ارتىق تٶلەم رەتٸندە كٶرسەتٸلگەن.
«كٷيەۋلەرٸمٸز سول كەزدە قازا تاپتى. بٸراق ولاردىڭ ەيەلدەرٸ مەن بالالارى بٷگٸن ٶمٸر سٷرٸپ جاتىر. بٸز ازىق-تٷلٸك ساتىپ الامىز, وقۋ اقىسىن, ەمدەلۋدٸ جەنە كٷندەلٸكتٸ تۇرمىستىق شىعىنداردى تٶلەيمٸز», – دەدٸ ول بەينەٷندەۋٸندە.
ال الماتى قالالىق پوليتسييا دەپارتامەنتٸ تٶلەمدەردٸ ەسەپتەۋ تەرتٸبٸنە ٶزگەرٸستەر ەنگٸزۋ جوباسى ەزٸرلەنگەنٸن حابارلادى. جاڭا ەرەجەلەر بويىنشا تٶلەمدەر قىزمەتكەرلەردٸڭ قازٸرگٸ اقشالاي ٷلەسٸنە قاراي ەسەپتەلٸپ, ول ٶسكەن جاعدايدا قايتا قارالادى.
ۆەدومستۆونىڭ مەلٸمەتٸنشە, قۇجات قوعامدىق تالقىلاۋ مەن ساراپتامادان ٶتٸپ, قازٸر مەملەكەتتٸك ورگاندارمەن كەلٸسٸلٸپ جاتىر.
سونداي-اق پوليتسييا جەسٸرلەردەن بۇرىن اۋدارىلعان قاراجاتتى قايتارۋدى تالاپ ەتۋ شارالارى قابىلدانبايتىنىن مەلٸمدەدٸ. مەسەلە تٷپكٸلٸكتٸ شەشٸلگەنگە دەيٸن ارتىق تٶلەمدٸ قايتارۋ بويىنشا ەشقانداي ەرەكەت جاسالمايدى.
