Jambyl oblysynda soqqyǵa jyǵylyp, komaǵa túsken 14 jastaǵy jasóspirimniń jaǵdaiy áli de aýyr. Dárigerler ony ázirge basqa meditsinalyq mekemege tasymaldaýǵa bolmaitynyn aityp otyr. Bul týraly Densaýlyq saqtaý ministri Aqmaral Álnazarova málimdedi, dep habarlaidy ult.kz.
Ministrdiń aitýynsha, jasóspirim medikamentozdy komada jatyr. Ony Astanaǵa jetkizý máselesi balanyń jaǵdaiy turaqtalǵannan keiin qarastyrylmaq.
«Jaǵdaiy aýyr. Medikamentozdy komada jatyr. Ázirge tasymaldaýǵa jaramaidy. Astanaǵa aýrýhanaǵa jetkizý úshin jaǵdaiynyń ońalýyn kútip otyrmyz», – dedi Aqmaral Álnazarova Úkimettegi baspasóz máslihatynda jýrnalisterdiń suraǵyna jaýap berip.
Eske salaiyq, buǵan deiin Jambyl oblysy Birlesý-Eńbek aýylynda 14 jastaǵy jasóspirimniń soqqyǵa jyǵylyp, komaǵa túskeni týraly aqparat taraǵan edi. Qazir ol Asa aýylyndaǵy aýrýhanada em qabyldap jatyr.
Oqiǵa týraly zardap shekken balanyń týysy áleýmettik jelide jazba jariialaǵan. Onyń málimetinshe, jasóspirim komada jatyr jáne ózdiginen tynys ala almaidy.
Al balanyń jaqyndary oqiǵanyń jan-jaqty ári ádil tergelýin, oǵan qatysy bar adamdardyń zań aldynda jaýap berýin talap etip otyr.
