Kaspii teńiziniń qazaqstandyq bóliginde halyqaralyq esirtki tasymaldaý arnasynyń joly kesildi. Arnaiy operatsiia barysynda bes adam ustalyp, jalpy salmaǵy 109 keli esirtki tárkilendi, dep habarlaidy ult.kz.
Ulttyq qaýipsizdik komiteti málimetinshe, 1 qarashada Shekara qyzmeti men Mańǵystaý oblysy boiynsha UQK departamentiniń qyzmetkerleri úsh sheteldik azamatty qolǵa túsirgen. Olar jyldam júretin katermen qashýǵa árekettengen.
Sonymen qatar jaǵalaý aýmaǵynda Qazaqstannyń eki azamaty ustaldy.
Arnaiy operatsiia nátijesinde 22 keli apiyn, 27 keli gashish jáne 60 keli marihýana tárkilendi. Sondai-aq esirtki tasymaldaýǵa paidalanylǵan shaǵyn jyldam júretin kater alyndy.
Qazirgi ýaqytta atalǵan derek boiynsha sotqa deiingi tergeý bastaldy. Tergeý múddesine bailanysty ózge aqparat jariialanǵan joq.
