Qostanaida 86 jastaǵy zeinetkerdiń qaza bolýyna bailanysty qylmystyq is qozǵaldy. Áleýmettik jelilerde qariianyń serýendep júrgen kezinde kisi qolynan qaza tapqany týraly aqparat taraǵan. Sondai-aq taǵy bir adamnyń shabýylǵa ushyraǵany jóninde málimet jariialanǵan. Alaida politsiia bul aqparattyń bir bóligin joqqa shyǵardy, dep habarlaidy ult.kz.
Qostanai oblystyq politsiia departamentiniń málimetinshe, 86 jastaǵy er adamnyń máiiti tabylǵannan keiin atalǵan derek boiynsha qylmystyq is tirkelgen.
Qazir oqiǵanyń mán-jaiyn anyqtaý, qajetti dálelderdi jinaý jáne qylmysqa qatysy bar adamdy anyqtap, ustaý baǵytynda keshendi tergeý amaldary júrgizilip jatyr. Politsiianyń habarlaýynsha, iske barlyq qajetti kúsh pen qural jumyldyrylǵan.
Vedomstvo áleýmettik jelilerde taraǵan ekinshi adamǵa shabýyl jasalǵany týraly aqparattyń shyndyqqa sáikes kelmeitinin málimdedi. Sonymen qatar turǵyndardy tek resmi aqparat kózderine senýge shaqyrdy.
Qazirgi ýaqytta kúdiktini anyqtaý jáne ustaý jumystary táýlik boiy jalǵasyp jatyr. Tergeý barysy politsiia departamenti basshylyǵynyń jeke baqylaýynda.
Qostanai oblystyq PD tergeý múddesine bailanysty QR Qylmystyq-protsestik kodeksiniń 201-babyna sáikes ózge aqparat jariialanbaitynyn habarlady.
