Ekinshi dúniejúzilik soǵystyń alǵashqy kúnderinde qaza tapqan qazaqstandyq sarbaz Abdývali Jylysbaevtyń soldat medalony Máskeýde Qazaqstan Elshiligine tabystaldy. Endi jádiger Otanyna jetkizilip, onyń týystaryna beriledi, dep habarlaidy ult.kz.
Máskeýdegi Qazaqstannyń Reseidegi Elshiliginde ótken rásimde medalondy Qazaqstannyń Reseidegi elshisi Dáýren Abaevqa reseilik «Áskeri arheologiia» izdeý jasaǵynyń komandiri Anton Torgashev tapsyrdy.
1917 jyly týǵan Abdývali Jylysbaev Taldyqorǵan oblysynyń týmasy. Ol 1939 jyly ásker qataryna shaqyrylyp, 1941 jylǵy 25 maýsymda Belostok mańynda qaza tapqan. Sodan beri jetpis jyldan astam ýaqyt boiy habar-osharsyz ketkender qatarynda bolǵan.
Sarbazdyń súiegi 2014 jyly tabylǵan
Abdývali Jylysbaevtyń súiegi 2014 jyly «Serebrianaia gorka» halyqaralyq izdeý ekspeditsiiasy kezinde tabylǵan. Keiin ol soǵystyń alǵashqy kúnderinde qaza tapqan basqa sarbazdarmen birge Polshanyń Hainývka qalasyndaǵy baýyrlastar ziratyna jerlengen.
Osydan keiin onyń týystaryn izdeý jumystary bastalǵanymen, 12 jyl boiy nátije bolmaǵan. Tek qazaqstandyq «Erlik-Dańq» jáne reseilik «Iskatel» izdeý jasaqtarynyń muraǵattaǵy jumysynyń arqasynda sarbazdyń jaqyndary anyqtalǵan.
Medalon týystaryna tabystalady
Qorǵanys ministrliginiń qoldaýymen Abdývali Jylysbaevtyń soldat medalony jaqyn arada Qazaqstanǵa jetkizilip, týystaryna beriledi.
Izdeý jumystaryna Resei men Qazaqstan ókilderimen qatar Qorǵanys ministrliginiń áskeri attashesi apparatynyń qyzmetkerleri jáne Máskeý Sobor meshitiniń imamy Marat Arshabaev ta qatysty.
Qazaqstandyq jáne reseilik izdeý jasaqtary habar-osharsyz ketken sarbazdardy anyqtaý baǵytyndaǵy birlesken jumysyn jalǵastyryp jatyr.
