ەكٸنشٸ دٷنيەجٷزٸلٸك سوعىستىڭ العاشقى كٷندەرٸندە قازا تاپقان قازاقستاندىق سارباز ابدۋۆالي جىلىسباەۆتىڭ سولدات مەدالونى مەسكەۋدە قازاقستان ەلشٸلٸگٸنە تابىستالدى. ەندٸ جەدٸگەر وتانىنا جەتكٸزٸلٸپ, ونىڭ تۋىستارىنا بەرٸلەدٸ, دەپ حابارلايدى ult.kz.
مەسكەۋدەگٸ قازاقستاننىڭ رەسەيدەگٸ ەلشٸلٸگٸندە ٶتكەن رەسٸمدە مەدالوندى قازاقستاننىڭ رەسەيدەگٸ ەلشٸسٸ دەۋرەن اباەۆقا رەسەيلٸك «ەسكەري ارحەولوگييا» ٸزدەۋ جاساعىنىڭ كومانديرٸ انتون تورگاشەۆ تاپسىردى.
1917 جىلى تۋعان ابدۋۆالي جىلىسباەۆ تالدىقورعان وبلىسىنىڭ تۋماسى. ول 1939 جىلى ەسكەر قاتارىنا شاقىرىلىپ, 1941 جىلعى 25 ماۋسىمدا بەلوستوك ماڭىندا قازا تاپقان. سودان بەرٸ جەتپٸس جىلدان استام ۋاقىت بويى حابار-وشارسىز كەتكەندەر قاتارىندا بولعان.
ساربازدىڭ سٷيەگٸ 2014 جىلى تابىلعان
ابدۋۆالي جىلىسباەۆتىڭ سٷيەگٸ 2014 جىلى «سەرەبريانايا گوركا» حالىقارالىق ٸزدەۋ ەكسپەديتسيياسى كەزٸندە تابىلعان. كەيٸن ول سوعىستىڭ العاشقى كٷندەرٸندە قازا تاپقان باسقا ساربازدارمەن بٸرگە پولشانىڭ حاينۋۆكا قالاسىنداعى باۋىرلاستار زيراتىنا جەرلەنگەن.
وسىدان كەيٸن ونىڭ تۋىستارىن ٸزدەۋ جۇمىستارى باستالعانىمەن, 12 جىل بويى نەتيجە بولماعان. تەك قازاقستاندىق «ەرلٸك-داڭق» جەنە رەسەيلٸك «يسكاتەل» ٸزدەۋ جاساقتارىنىڭ مۇراعاتتاعى جۇمىسىنىڭ ارقاسىندا ساربازدىڭ جاقىندارى انىقتالعان.
مەدالون تۋىستارىنا تابىستالادى
قورعانىس مينيسترلٸگٸنٸڭ قولداۋىمەن ابدۋۆالي جىلىسباەۆتىڭ سولدات مەدالونى جاقىن ارادا قازاقستانعا جەتكٸزٸلٸپ, تۋىستارىنا بەرٸلەدٸ.
ٸزدەۋ جۇمىستارىنا رەسەي مەن قازاقستان ٶكٸلدەرٸمەن قاتار قورعانىس مينيسترلٸگٸنٸڭ ەسكەري اتتاشەسٸ اپپاراتىنىڭ قىزمەتكەرلەرٸ جەنە مەسكەۋ سوبور مەشٸتٸنٸڭ يمامى مارات ارشاباەۆ تا قاتىستى.
قازاقستاندىق جەنە رەسەيلٸك ٸزدەۋ جاساقتارى حابار-وشارسىز كەتكەن ساربازداردى انىقتاۋ باعىتىنداعى بٸرلەسكەن جۇمىسىن جالعاستىرىپ جاتىر.
