الماتى قالاسىنىڭ المالى اۋداندىق سوتىندا سانجار بوقاەۆقا, ونىڭ جيەنٸ ماديار قالمەنوۆكە جەنە جەكە موبيلوگرافى ۇلان نٷسٸپقوجاعا قاتىستى قىلمىستىق ٸس بويىنشا كەزەكتٸ سوت وتىرىسى باستالدى.
بوقاەۆقا الاياقتىق, قىلمىستىق جولمەن الىنعان كٸرٸستەردٸ زاڭداستىرۋ, ۇرلىق جاساۋ, اعاشتاردى زاڭسىز كەسۋ جەنە كٶرٸنەۋ جالعان اقپارات تاراتۋ ايىپتارى تاعىلعان. قالمەنوۆ الاياقتىق جەنە قىلمىستىق كٸرٸستەردٸ زاڭداستىرۋ, ال نٷسٸپقوجا قالعان ٷش ەپيزود بويىنشا ايىپتالىپ وتىر.
قازٸرگٸ ۋاقىتتا اۆتوشەرۋ ۇيىمداستىرۋعا ارنالعان كەلٸسٸمشارتتاردىڭ جاسالۋ مەن-جايلارىنا, مەردٸگەر كومپانييالاردىڭ تاڭدالۋىنا جەنە وسى ماقساتتارعا كەسٸپوداق قاراجاتىنان بٶلٸنگەن اقشانىڭ كەيٸنگٸ قوزعالىسىنا قاتىستى الاياقتىق پەن قىلمىستىق جولمەن الىنعان كٸرٸستەردٸ زاڭداستىرۋ دەرەكتەرٸ بويىنشا كۋەگەرلەردەن جاۋاپ الۋ جالعاسىپ جاتىر.
ەسكە سالساق, الدىڭعى سوت وتىرىسىندا «QazaqGaz» ۇك» اق دەپارتامەنتٸنٸڭ باس مەنەدجەرٸ ەرٸ كەسٸپوداقتىڭ تەكسەرۋ كوميسسيياسىنىڭ مٷشەسٸ مەدەتبەك ەبدٸقالىقوۆ اۋديت بارىسىندا انىقتالعان «BM Trust» جەنە «We Can» كومپانييالارىمەن جاسالعان كٷمەندٸ كەلٸسٸمشارتتار تۋرالى ايتىپ بەرگەن ەدٸ.
ونىڭ سٶزٸنشە, بەسەكەلەستٸك ورتاعا قاراماستان, كەلٸسٸمشارتتار بٸر عانا كومپانييالارمەن قايتا-قايتا جاسالعان. سونىمەن قاتار سمەتالاردا كٶرسەتٸلگەن قىزمەت قۇنىن نەگٸزسٸز كٶتەرۋ بەلگٸلەرٸ انىقتالعان. ال مەردٸگەرلەر بوقاەۆتىڭ تاراپىنان ۇسىنىلىپ, ٶزگە كومپانييالار, ياعني بالاما نۇسقالار ەش قاراستىرىلماعان.
سونداي-اق, كۋەگەر جىمقىرۋ بەلگٸلەرٸن انىقتاعاننان كەيٸن زاڭبۇزۋشىلىقتاردى جاسىرۋدى مٷلدە ويلاماعانىن, بلوگەر ەكەن دەپ بوقاەۆتان مٷلدە قاۋٸپتەنپەگەنٸن اتاپ ٶتتٸ. زاڭعا قايشى دەرەكتەر انىقتالعان سوڭ كٷمەندٸ كەلٸسٸمشارتتارعا قاتىستى ماتەريالدار قۇقىق قورعاۋ ورگاندارىنا جولدانعان.
بۇدان بٶلەك, رەۆيزوردىڭ پٸكٸرٸنشە, يميدجدٸك ٸس-شارالاردى قارجىلاندىرۋ «قازترانسگاز» اق-نىڭ جارعىلىق مٸندەتتەرٸنە كٸرمەگەن.
تاعى بٸر كۋەگەر – «BM Trust» جشس-نىڭ نەگٸزٸن قالاۋشى جانبولات ماراتوۆ باستاپقىدا كومپانييا كاتامارانداردى جالعا بەرۋمەن اينالىسقانىن جەنە تٷرلٸ ٸس-شارالاردى ۇيىمداستىرۋعا ەش قاتىسى بولماعانىن مەلٸمدەدٸ.
ونىڭ ايتۋىنشا, 2017 جىلى بوقاەۆ فيرمانى ٶزٸنٸڭ جيەنٸ ماديار قالمەنوۆتٸڭ اتىنا قايتا رەسٸمدەۋدٸ ۇسىنعان. كەيٸننەن كومپانييا «قازترانسگاز» ٷشٸن تٷرلٸ ٸس-شارالاردى ۇيىمداستىرۋعا ارنالعان مەردٸگەرلٸك تاپسىرىستاردى الا باستاعان.
بۇل رەتتە, ماراتوۆ مەردٸگەرلەرمەن جاسالعان كەلٸسٸمشارتتاردىڭ بارلىعىنا بوقاەۆتىڭ كابينەتٸندە قول قويىلعانىن العا تارتقان بولاتىن.
