Qarjylyq monitoring agenttigi qazaqstandyqtarǵa baǵyttalǵan Pinco jáne Pin-Up internet-kazinolarynyń zańsyz qyzmetin uiymdastyrdy degen kúdikke ilingen eki sheteldik azamatqa izdeý jariialady, dep habarlaidy ult.kz.
Izdeýge jariialanǵandar – 1985 jyly týǵan Resei azamaty Dmitrii Pýnin jáne 1989 jyly týǵan Ýkraina azamaty Marina Ilina. Olarǵa qatysty bultartpaý sharasy retinde kúzetpen ustaý tańdalǵan.
Tergeý málimetinshe, kúdiktiler zańsyz onlain-kazino qyzmetin júrgizý úshin baqylaýyndaǵy kompaniialardan, tólem uiymdary men bank quraldarynan turatyn halyqaralyq infraqurylym qurǵan.
Qazaqstandaǵy shemanyń bir bóligi PIN-UP.KZ brendimen býkmekerlik qyzmet kórsetýge litsenziia alǵan «Bonami» JShS arqyly júzege asqan. Alaida tergeý nusqasy boiynsha, zańdy býkmekerlik qyzmet internet-kazino jumysyn jasyrý úshin paidalanylǵan.
Qarjy aǵyndaryn uiymdastyrý úshin satyp alynǵan tólem uiymdary, is júzindegi basshylary basqa adamdar bolǵan kompaniialar jáne bank terminaldarynyń jelisi iske qosylǵan. Bul júieniń jumysyna qarjy sektory ókilderi de kómektesken degen kúdik bar.
Nátijesinde túrli bankter men qarjy uiymdarynda 24 tólem terminalynan turatyn jeli qurylǵan. Onyń 14-i aqsha qabyldaýǵa paidalanylǵan.
Agenttik málimetinshe, qarjy operatsiialarynyń jalpy kólemi 106 mlrd teńgeden asqan.
Qarjylyq monitoring agenttigi izdeýdegi adamdardyń júrgen jeri týraly qandai da bir aqparat biletin azamattardan +7 7172 70 84 78 nómiri arqyly kezekshi bólimge habarlasýdy suraidy.
