قارجىلىق مونيتورينگ اگەنتتٸگٸ قازاقستاندىقتارعا باعىتتالعان Pinco جەنە Pin-Up ينتەرنەت-كازينولارىنىڭ زاڭسىز قىزمەتٸن ۇيىمداستىردى دەگەن كٷدٸككە ٸلٸنگەن ەكٸ شەتەلدٸك ازاماتقا ٸزدەۋ جارييالادى, دەپ حابارلايدى ult.kz.
ٸزدەۋگە جارييالانعاندار – 1985 جىلى تۋعان رەسەي ازاماتى دميتريي پۋنين جەنە 1989 جىلى تۋعان ۋكراينا ازاماتى مارينا يلينا. ولارعا قاتىستى بۇلتارتپاۋ شاراسى رەتٸندە كٷزەتپەن ۇستاۋ تاڭدالعان.
تەرگەۋ مەلٸمەتٸنشە, كٷدٸكتٸلەر زاڭسىز ونلاين-كازينو قىزمەتٸن جٷرگٸزۋ ٷشٸن باقىلاۋىنداعى كومپانييالاردان, تٶلەم ۇيىمدارى مەن بانك قۇرالدارىنان تۇراتىن حالىقارالىق ينفراقۇرىلىم قۇرعان.
قازاقستانداعى سحەمانىڭ بٸر بٶلٸگٸ PIN-UP.KZ برەندٸمەن بۋكمەكەرلٸك قىزمەت كٶرسەتۋگە ليتسەنزييا العان «بونامي» جشس ارقىلى جٷزەگە اسقان. الايدا تەرگەۋ نۇسقاسى بويىنشا, زاڭدى بۋكمەكەرلٸك قىزمەت ينتەرنەت-كازينو جۇمىسىن جاسىرۋ ٷشٸن پايدالانىلعان.
قارجى اعىندارىن ۇيىمداستىرۋ ٷشٸن ساتىپ الىنعان تٶلەم ۇيىمدارى, ٸس جٷزٸندەگٸ باسشىلارى باسقا ادامدار بولعان كومپانييالار جەنە بانك تەرمينالدارىنىڭ جەلٸسٸ ٸسكە قوسىلعان. بۇل جٷيەنٸڭ جۇمىسىنا قارجى سەكتورى ٶكٸلدەرٸ دە كٶمەكتەسكەن دەگەن كٷدٸك بار.
نەتيجەسٸندە تٷرلٸ بانكتەر مەن قارجى ۇيىمدارىندا 24 تٶلەم تەرمينالىنان تۇراتىن جەلٸ قۇرىلعان. ونىڭ 14-ٸ اقشا قابىلداۋعا پايدالانىلعان.
اگەنتتٸك مەلٸمەتٸنشە, قارجى وپەراتسييالارىنىڭ جالپى كٶلەمٸ 106 ملرد تەڭگەدەن اسقان.
قارجىلىق مونيتورينگ اگەنتتٸگٸ ٸزدەۋدەگٸ ادامداردىڭ جٷرگەن جەرٸ تۋرالى قانداي دا بٸر اقپارات بٸلەتٸن ازاماتتاردان +7 7172 70 84 78 نٶمٸرٸ ارقىلى كەزەكشٸ بٶلٸمگە حابارلاسۋدى سۇرايدى.
