اقتٶبەدە كوللەدج جاتاقحاناسىندا بولعان قايعىلى وقيعاعا بايلانىستى سوت پروتسەسٸ ٶتٸپ جاتىر. تەرگەۋ ماتەريالدارىنا سەيكەس, 21 جاستاعى جوعارى كۋرس ستۋدەنتٸ 16 جاستاعى نۇرباقىت باقىتتى تٷن ٸشٸندە تٶرتٸنشٸ قاباتتىڭ تەرەزەسٸنەن تٷسٸپ, دٷكەنگە تاماق ەكەلۋگە مەجبٷرلەگەن. جاسٶسپٸرٸم بيٸكتٸكتەن قۇلاپ, 42 كٷننەن كەيٸن اۋرۋحانادا قايتىس بولعان. بۇل تۋرالى Time.kz باسىلىمى جازدى.
وقيعا 29 سەۋٸردە اقتٶبە كٶلٸك, بايلانىس جەنە جاڭا تەحنولوگييالار كوللەدجٸنٸڭ جاتاقحاناسىندا بولعان.
تٶرتٸنشٸ قاباتتان كٶرپەلەرمەن تٷسٸرمەك بولعان
ايىپتاۋ ماتەريالدارىنا سەيكەس, قايعىلى وقيعا بولعان تٷنٸ جاتاقحانانىڭ بٸر بٶلمەسٸندە 16 جاستاعى ٷش ستۋدەنت تەلەفونمەن ويىن ويناپ وتىرعان. سول كەزدە ولاردىڭ بٶلمەسٸنە تٶرتٸنشٸ كۋرس ستۋدەنتٸ, 21 جاستاعى مادي سٷگەرباي كٸرگەن. ول الدىمەن تەمەكٸ سۇراعان. جاسٶسپٸرٸمدەردە تەمەكٸ بولماعان سوڭ, بٸرەۋٸن باسقا بٶلمەلەردەن ٸزدەۋگە جٸبەرگەن. الايدا ول ەشتەڭە تاپپاي ورالعان.
ودان كەيٸن سٷگەرباي تاماق ەكەلۋدٸ تالاپ ەتكەن. بۇل ۋاقىتتا جاتاقحانادا ۇيىقتاۋ ۋاقىتى باستالىپ, قاباتتارداعى ەسٸكتەر كٸلتپەن جابىلعان ەدٸ.
سوت ماتەريالدارىندا كٶرسەتٸلگەندەي, ول 16 جاستاعى نۇرباقىتتى تٶرتٸنشٸ قاباتتاعى تەرەزەدەن تٷسٸپ, دٷكەنگە بارۋعا كٶندٸرمەك بولعان. العاشىندا جاسٶسپٸرٸم بۇعان قارسىلىق بٸلدٸرگەن.
كەيٸن سٷگەرباي بەس كٶرپەنٸ بٸر-بٸرٸنە بايلاپ, ارقان رەتٸندە پايدالانۋدى تاپسىرعان. جاسٶسپٸرٸمدەردٸ دە وسى ٸسكە جۇمىلدىرعان. بٸرەۋٸ ەسٸك الدىندا قاراۋىلداسا, ەكٸنشٸسٸ نۇرباقىتتى تٷسٸرۋگە كٶمەكتەسكەن.
العاشىندا جاسٶسپٸرٸم قورقاتىنىن ايتىپ, تەرەزەدەن تٷسۋدەن باس تارتقان. قاسىنداعى كۋرستاسى ونى قايتادان بٶلمەگە كٸرگٸزگەن. الايدا سٷگەرباي كەلٸپ, ونى قايتادان سىرتقا شىعۋعا كٶندٸرگەن.
جاسٶسپٸرٸم 42 كٷننەن كەيٸن كٶز جۇمدى
نۇرباقىت تٶرتٸنشٸ قاباتتان كٶرپەلەر ارقىلى تٶمەن تٷسٸپ كەلە جاتقاندا, ٷشٸنشٸ جەنە تٶرتٸنشٸ قاباتتىڭ اراسىندا قۇلاپ كەتكەن. ونى ۇستاپ تۇرعان كٶرپەلەر بٶلمەدەگٸ جاسٶسپٸرٸمدەردٸڭ قولىندا قالعان.
وقيعا بولعان سوڭ ستۋدەنتتەر تەربيەشٸنٸ شاقىرىپ, پوليتسييا كەلگەن. جەدەل جەردەم جەتكەنشە جاسٶسپٸرٸمدەر زارداپ شەككەن قۇرداسىنا العاشقى كٶمەك كٶرسەتۋگە تىرىسقان.
ال ايىپتاۋ ماتەريالدارىندا سٷگەربايدىڭ ەرەكەتٸ ەرەكشە اتاپ ٶتٸلەدٸ. ول زارداپ شەككەن جاسٶسپٸرٸمگە قاتىستى «جاتا بەرسٸن, شٸرٸپ» دەگەن سٶز ايتىپ, قالعان ەكٸ ستۋدەنتتەن پوليتسيياعا نۇرباقىت تەرەزەدەن ٶز ەركٸمەن تٷستٸ دەپ ايتۋدى تالاپ ەتكەن.
اۋىر جاراقات العان جاسٶسپٸرٸم اۋرۋحاناعا جەتكٸزٸلگەن. دەرٸگەرلەر ونىڭ ٶمٸرٸن ساقتاپ قالۋعا تىرىسقانىمەن, نۇرباقىت 42 كٷننەن كەيٸن كٶز جۇمعان.
قازٸر مادي سٷگەربايعا ەكٸ باپ بويىنشا ايىپ تاعىلعان. اتاپ ايتقاندا, ول ادامدى قاۋٸپتٸ جاعدايدا قالدىردى جەنە ابايسىزدا ٶلٸمگە سەبەپ بولدى دەپ ايىپتالىپ وتىر. الايدا سوتتالۋشى ٶزٸنە تاعىلعان ايىپتاردى مويىندامايدى.
جاتاقحانادا كٸشٸ كۋرس ستۋدەنتتەرٸن ۇرىپ-سوعۋ دەرەكتەرٸ دە ايتىلدى
سوت وتىرىسىندا كوللەدج جاتاقحاناسىنداعى ستۋدەنتتەر اراسىنداعى ەلٸمجەتتٸك جاعدايلارى دا بەلگٸلٸ بولعان.
كٸشٸ كۋرس ستۋدەنتتەرٸنٸڭ ايتۋىنشا, جوعارى كۋرس ستۋدەنتتەرٸ ولاردى قورقىتىپ, ۇرىپ-سوققان. بٸرٸنە اياق كيٸم سٶرەسٸنەن الىنعان تەمٸر تٷتٸكپەن سوققى جاسالسا, ەندٸ بٸرٸن قانجارمەن جەنە جۇدىرىقپەن ۇرعان. سونداي-اق شاپالاقپەن ۇرۋ جاعدايلارى بولعان.
الايدا جاسٶسپٸرٸمدەر بۇل تۋرالى ەشكٸمگە شاعىمدانباعان. ولاردىڭ سٶزٸنشە, شاعىمدانسا, ٶزگەلەر ولاردى «تەرپيلا» نەمەسە «ساتقىن» دەپ قابىلداۋى مٷمكٸن ەدٸ.
سوتتا كۋەلٸك بەرگەن ستۋدەنتتەردٸڭ بٸرٸ مادي سٷگەربايدىڭ بۇعان دەيٸن دە باسقا ستۋدەنتتەردٸ ۇرعانى ٷشٸن جاتاقحانادان شىعارىلعانىن ايتقان. بٸراق بٸراز ۋاقىتتان كەيٸن ول قايتا ورالىپ, جاتاقحانادا تۇرا باستاعان.
وسى وقيعادان كەيٸن كوللەدج جاتاقحاناسىندا ستۋدەنتتەردٸ بٶلەك ورنالاستىرۋ تۋرالى شەشٸم قابىلدانعان. قازٸر كٸشٸ كۋرس ستۋدەنتتەرٸ ەكٸنشٸ قاباتتا, ال جوعارى كۋرس ستۋدەنتتەرٸ ٷشٸنشٸ قاباتتا تۇرادى. كٸرۋ ەسٸكتەرٸ دە بٶلٸنگەن.
مارقۇمنىڭ اناسى كوللەدج باسشىلىعىن دا جاۋاپقا تارتۋدى تالاپ ەتەدٸ
نۇرباقىتتىڭ اناسى كۋلايم قولوۆا قايعىلى جاعدايعا جاتاقحانا مەن كوللەدج باسشىلىعى دا جاۋاپ بەرۋٸ كەرەك دەپ سانايدى.
«ولاردى جاۋاپقا تارتقىم كەلەدٸ. مەنٸڭ ويىمشا, ول جەردە ستۋدەنتتەردٸڭ قاۋٸپسٸزدٸگٸنە كەپٸلدٸك جوق, تەرتٸپ تە جوق. ۇلىم ٶمٸر ٷشٸن كٷرەسٸپ جاتقاندا, تەربيەشٸلەردٸڭ بٸرٸنەن بالالاردى نەگە قاداعالاماعانىن سۇرادىق. ول: “بٸزدٸ سوتتاسا, سوتتاي بەرسٸن, بٸز ۇيىقتاپ جاتقانبىز”, – دەپ جاۋاپ بەردٸ. بۇل قالاي بولعانى? مەن بالامدى سولارعا سەنٸپ تاپسىردىم», – دەيدٸ اناسى.
ونىڭ ايتۋىنشا, كوللەدج ديرەكتورى وسى ۋاقىتقا دەيٸن وتباسىمەن كەزدەسٸپ, كٶڭٸل ايتپاعان. اناسىنىڭ سٶزٸنشە, باسشىنىڭ دەنساۋلىعىنا بايلانىستى جاعدايى بولماعانى ايتىلعان. ال ٶزگە پەداگوگتەر وتباسىعا كٶمەكتەسٸپ, نۇرباقىتتى سوڭعى ساپارعا شىعارىپ سالۋعا قاتىسقان.
سوت پروتسەسٸ جالعاسىپ جاتىر.
