“زامانback” فيلمٸنٸڭ پروديۋسەرٸ سەرٸك يبراگيموۆ رامازان امانتايعا 32 ميلليون تەڭگە تٶلەگەنٸن ايتتى, دەپ حابارلايدى ult.kz.

پروديۋسەردٸڭ سٶزٸنشە, فيلمگە تٷسكەن ٶزگە اكتەرلەردٸڭ اقىسى ەلدەقايدا از بولعان. ول قاتىسۋشىلاردىڭ باستاپقىدا جاعدايدان حاباردار بولعانىن جەتكٸزدٸ.

“رامازان امانتايعا 32 ملن تەڭگە بەردٸم. قالعاندارى تەگٸن تٷستٸ دەسە دە بولادى. باسىندا بەرٸ جاعدايدى بٸلدٸ”, – دەدٸ سەرٸك يبراگيموۆ.

ەنشٸ ەرٸ پروديۋسەر باستاپقىدا رامازانعا كٶلٸك سىيلاۋدى ويلاعانىن دا ايتتى. كەيٸن بۇل جوسپارى ٶزگەرٸپ, وعان پەتەردٸڭ قۇنىنا تەڭ قاراجات بەرگەن.

“رامازانعا بەرٸ جاقسى بولسا كٶلٸك مٸنگٸزۋ ويىمدا بولعان. ول كٶلٸك كەيٸن پەتەرگە اۋىستى. بٸر پەتەردٸڭ اقشاسىن بەردٸم”, – دەدٸ ول.

ايتا كەتەيٸك, رامازان امانتاي تۋرالى جاعىمسىز حابار تارادى.

رامازان امانتاي كٸم?

رامازان بولاتۇلى امانتاي – قازاقستاندىق اكتەر, ەنشٸ, تەلەجٷرگٸزۋشٸ, كومپوزيتور جەنە اقىن. كٶرەرمەنگە “اينالايىن” تەلەحيكاياسىنداعى رٶلٸ ارقىلى تانىس.

ول “قازاقشا بيزنەس”, “قازاقشا بيزنەس امەريكادا”, “قازاقشا بيزنەس افريكادا” فيلمدەرٸنە جەنە “Salem, مەن نۇرلان قويانباەۆ” ۆەب-سەريالىنا تٷسكەن. 2024 جىلى جارىق كٶرگەن “زامانback” فيلمٸندە باستى كەيٸپكەر ازاتتىڭ رٶلٸن سومداعان.

فيلمنٸڭ ەكٸنشٸ بٶلٸمٸندە دە وسى كەيٸپكەردٸ وينادى. اكتەرلٸكپەن قاتار ەن جازىپ, مۋزىكالىق شىعارماشىلىقپەن اينالىسادى.