Qostanai oblysynda 86 jastaǵy er adamnyń máiiti tabylýyna bailanysty qylmystyq is qozǵaldy. Qazir politsiia kúdiktini anyqtap, ustaý sharalaryn júrgizip jatyr, dep habarlaidy ult.kz.
Oblystyq Politsiia departamentiniń málimetinshe, oqiǵaǵa qatysty dálelder jinalyp, qajetti tergeý amaldary júrgizilýde. Qylmysqa qatysy bar adamdy izdestirýge barlyq qajetti kúsh jumyldyrylǵan.
Sondai-aq politsiia ekinshi adamǵa shabýyl jasalǵany týraly taraǵan aqparatty joqqa shyǵardy. Vedomstvo turǵyndardy tek resmi derekkózderge senýge shaqyrdy.
Tergeý barysy politsiia departamenti basshylyǵynyń baqylaýynda. Qylmystyq istiń ózge mán-jaiy ázirge jariialanbaidy.
