پەتروپاۆلداعى كوللەدجدەردٸڭ بٸرٸندە 14 ستۋدەنتتەن تەرٸنٸڭ زەڭ ينفەكتسيياسى انىقتالدى. سانيتارلىق دەرٸگەرلەر اۋرۋدىڭ تارالۋ سەبەپتەرٸن زەرتتەپ, ەپيدەميولوگييالىق تەرگەۋدٸ اياقتادى, دەپ حابارلايدى ult.kz.
سولتٷستٸك قازاقستان وبلىسىنىڭ سانيتارييالىق-ەپيدەميولوگييالىق باقىلاۋ دەپارتامەنتٸنٸڭ مەلٸمەتٸنشە, باستاپقىدا سەگٸز ستۋدەنتتٸڭ اۋىرعانى حابارلانعان. كەيٸن زەرتحانالىق تەكسەرۋ نەتيجەسٸندە ناۋقاستار سانى 14-كە جەتكەن.
ماماندار ينفەكتسييا جۇقتىرعانداردىڭ بارلىعى جاتاقحانانىڭ بٸر قاباتىندا تۇراتىنىن انىقتاعان. ولاردىڭ بٶلمەلەرٸ كٶرشٸلەس ورنالاسقان ەرٸ ستۋدەنتتەر ٶزارا تىعىز قارىم-قاتىناستا بولعان. سونداي-اق ينفەكتسييانىڭ ىقتيمال كٶزٸ انىقتالعان. الايدا ۆەدومستۆو ونىڭ كٸم ەكەنٸن ناقتىلامادى.
اۋرۋدىڭ تارالۋىنا جول بەرمەۋ ٷشٸن ستۋدەنتتەر تۇرعان جەنە وقىعان ورىنداردا دەزينفەكتسييا جٷرگٸزٸلگەن. بايلانىستا بولعاندار مەديتسينالىق باقىلاۋعا الىنعان.
تەكسەرۋ قورىتىندىسى بويىنشا كوللەدجگە ايىپپۇل سالىندى. قازٸر جاعداي دەپارتامەنتتٸڭ باقىلاۋىندا.
ماماندار تەمٸرەتكٸدەن ساقتانۋ ٷشٸن جەكە گيگيەنانى ساقتاۋعا, بٶتەن ادامنىڭ كيٸمٸ مەن جەكە زاتتارىن پايدالانباۋعا جەنە قاڭعىباس جانۋارلارمەن بايلانىستان اۋلاق بولۋعا كەڭەس بەرەدٸ. تەرٸدە بٶرتپە بايقالسا, دەرماتولوگقا قارالۋ قاجەت.
ەسكە سالايىق, ستۋدەنتتەر اراسىندا زەڭ ينفەكتسيياسىنىڭ تارالعانى تۋرالى اقپارات 25 قىركٷيەكتە بەلگٸلٸ بولعان. ول كەزدە اۋرۋحاناعا سەگٸز ستۋدەنت تٷسكەنٸ حابارلانعان ەدٸ.
