سولتٷستٸك قازاقستان وبلىسىندا ينتەرنەت-الاياقتار مەديتسينالىق مەكەمە قىزمەتكەرلەرٸنٸڭ اتىن جامىلىپ, تۇرعىنداردى الداۋدىڭ جاڭا تەسٸلٸنە كٶشكەن. قاسكٶيلەر سكرينينگ پەن مەديتسينالىق تالداۋلاردى سىلتاۋ ەتٸپ, ازاماتتاردىڭ SMS-كودتارىن يەمدەنەدٸ. قازٸردٸڭ ٶزٸندە 40-قا جۋىق تۇرعىن زارداپ شەككەن, دەپ حابارلايدى ult.kz.
Polisia.kz مەلٸمەتٸنشە, الاياقتار ازاماتتارعا تەلەفون شالىپ, سكرينينگتەن نەمەسە فليۋوروگرافييادان ٶتۋ قاجەتتٸگٸن ايتىپ, ەلەكتروندى كەزەككە تٸركەۋدٸ ۇسىنادى. ول ٷشٸن SMS ارقىلى كەلگەن راستاۋ كودىن سۇرايدى.
كودتى العان سوڭ, بانك نەمەسە قۇقىق قورعاۋ ورگاندارىنىڭ قىزمەتكەرٸ بولىپ قايتا حابارلاسىپ, ازاماتتىڭ اتىنا نەسيە رەسٸمدەلٸپ جاتقانىن ايتادى. اقشانى «قورعاۋ» ٷشٸن ونى قاۋٸپسٸز شوتقا اۋدارۋعا كٶندٸرەدٸ. الايدا بۇل – قاراجاتتى يەمدەنۋدٸڭ كەزەكتٸ الاياقتىق سحەماسى.
سقو پد باستىعىنىڭ بٸرٸنشٸ ورىنباسارى ەلٸبەك قۇجاحمەتوۆتٸڭ ايتۋىنشا, كەي جاعدايدا قىلمىسكەرلەر ازاماتتاردىڭ قانداي مەديتسينالىق تالداۋلار تاپسىرعانىنا دەيٸن بٸلٸپ وتىرعان. سوندىقتان تۇرعىندارعا مەديتسينالىق مەكەمە اتىنان قوڭىراۋ تٷسكەندە, اقپاراتتى رەسمي نٶمٸر ارقىلى تەكسەرۋ ۇسىنىلادى.
پوليتسييا جىل باسىنان بەرٸ ٶڭٸردە ينتەرنەت-الاياقتىقتىڭ 443 دەرەگٸ تٸركەلگەنٸن حابارلادى. بۇل ٶتكەن جىلدىڭ سەيكەس كەزەڭٸمەن سالىستىرعاندا شامامەن 30 پايىزعا از.
قۇقىق قورعاۋ ورگاندارى تۇرعىندارعا SMS-كودتاردى, بانك دەرەكتەرٸن جەنە جەكە مەلٸمەتتەردٸ بٶگدە ادامدارعا بەرمەۋدٸ ەسكەرتەدٸ.
