تاشكەنتتە ۋلانعان قازاقستاندىقتاردىڭ جاعدايى جاقسارىپ كەلەدٸ. قازٸر اۋرۋحانادا سەگٸز وتانداسىمىز ەم قابىلداپ جاتىر. ونىڭ التاۋى – بالا, ەكەۋٸ – ەرەسەك ادام, دەپ حابارلايدى ult.kz.
قازاقستاننىڭ ٶزبەكستانداعى ەلشٸلٸگٸنٸڭ مەلٸمەتٸنشە, 18 ناۋقاستىڭ 10-ى, ونىڭ ٸشٸندە التى بالا مەن تٶرت ەرەسەك ادام اۋرۋحانادان شىعارىلعان. قالعان ناۋقاستاردىڭ جاعدايى تۇراقتى, بارلىعى دەرٸگەرلەردٸڭ باقىلاۋىندا.
جاس فۋتبولشىلاردىڭ دەنساۋلىعى جاقسارىپ كەلە جاتقانى ايتىلدى. ٸشەك ينفەكتسيياسىنىڭ قوزدىرعىشىن انىقتاۋعا ارنالعان پتر تالداۋىنىڭ قورىتىندىسى بٷگٸن كەشكە بەلگٸلٸ بولادى.
ەلشٸلٸكتٸڭ كٶمەگٸمەن 13 قازاقستاندىق ەلگە ورالعان. ەسكە سالايىق, قاراعاندى وبلىسىنىڭ جاس فۋتبولشىلارى تاشكەنتتە ٶتكەن Dostlik Cup 2026 تۋرنيرٸنە قاتىسۋ كەزٸندە جاپپاي ۋلانعان ەدٸ.
وسى وقيعاعا بايلانىستى ٶزبەكستان باس پروكۋراتۋراسى سانيتارييالىق تالاپتاردى بۇزۋ دەرەگٸ بويىنشا قىلمىستىق ٸس قوزعادى. قازٸر تەرگەۋ امالدارى جالعاسىپ جاتىر.
