ەيەل اعاسىنىڭ ٶلٸمٸن التى جىلدان كەيٸن عانا رەسٸمدەپ, مۇراگەرلٸك مەرزٸمدٸ قالپىنا كەلتٸرۋگە مەجبٷر بولعان, دەپ حابارلايدى ult.kz.
قاراعاندى وبلىستىق سوتىنىڭ مەلٸمەتٸنشە, تۇرعىن اعاسىنان قالعان ٷيدٸڭ جارتىسىن مۇراعا الۋ ٷشٸن قالا ەكٸمٸن سوتقا بەردٸ. ەر ادام 2020 جىلى قايتىس بولعانىمەن, ونىڭ ٶلٸمٸ رەسمي تٷردە التى جىلدان استام ۋاقىت ٶتكەن سوڭ تٸركەلگەن.
قاراعاندى قالاسى قازىبەك بي اۋداندىق №2 سوتىنىڭ مەلٸمەتٸنشە, ەيەل مەن ونىڭ اعاسى تۇرعىن ٷيدٸ تەڭ ٷلەسپەن يەلەنگەن. اعاسى قايتىس بولعاننان كەيٸن ٷيدٸڭ جارتىسى مۇراگەرلەرٸنە ٶتۋٸ تيٸس ەدٸ.
الايدا مەديتسينالىق كۋەلٸكتە كٶرسەتٸلگەن ٶلٸم كٷنٸ – 2020 جىلعى 9 اقپان بولعانىمەن, مەملەكەتتٸك تٸركەۋ تەك 2026 جىلعى 16 ماۋسىمدا جٷرگٸزٸلگەن. نوتاريۋس مۇراگەرلٸككە ٶتٸنٸش بەرۋ مەرزٸمٸ ٶتٸپ كەتكەندٸكتەن, ەيەلگە مۇراعا قۇقىق تۋرالى كۋەلٸك بەرۋدەن باس تارتقان.
سوت ەيەلدٸڭ مەرزٸمدٸ وبەكتيۆتٸ سەبەپتەرمەن ٶتكٸزٸپ العانىن ەسكەرٸپ, تالاپ ارىزىن قاناعاتتاندىردى. نەتيجەسٸندە مۇرانى قابىلداۋ مەرزٸمٸ قالپىنا كەلتٸرٸلٸپ, ەيەل اعاسىنان قالعان ٷيدٸڭ جارتىسىن مۇراعا قابىلداعان دەپ تانىلدى.
