Áiel aǵasynyń ólimin alty jyldan keiin ǵana rásimdep, muragerlik merzimdi qalpyna keltirýge májbúr bolǵan, dep habarlaidy ult.kz.
Qaraǵandy oblystyq sotynyń málimetinshe, turǵyn aǵasynan qalǵan úidiń jartysyn muraǵa alý úshin qala ákimin sotqa berdi. Er adam 2020 jyly qaitys bolǵanymen, onyń ólimi resmi túrde alty jyldan astam ýaqyt ótken soń tirkelgen.
Qaraǵandy qalasy Qazybek bi aýdandyq №2 sotynyń málimetinshe, áiel men onyń aǵasy turǵyn úidi teń úlespen ielengen. Aǵasy qaitys bolǵannan keiin úidiń jartysy muragerlerine ótýi tiis edi.
Alaida meditsinalyq kýálikte kórsetilgen ólim kúni – 2020 jylǵy 9 aqpan bolǵanymen, memlekettik tirkeý tek 2026 jylǵy 16 maýsymda júrgizilgen. Notariýs muragerlikke ótinish berý merzimi ótip ketkendikten, áielge muraǵa quqyq týraly kýálik berýden bas tartqan.
Sot áieldiń merzimdi obektivti sebeptermen ótkizip alǵanyn eskerip, talap aryzyn qanaǵattandyrdy. Nátijesinde murany qabyldaý merzimi qalpyna keltirilip, áiel aǵasynan qalǵan úidiń jartysyn muraǵa qabyldaǵan dep tanyldy.
