Aqtóbede neke saraiynyń ǵimaratynda 26 jastaǵy qyz pyshaq jaraqatynan qaza tapty. Qylmysqa onyń burynǵy kúieýi kúdikti dep tanylyp otyr, dep habarlaidy ult.kz.
Qaiǵyly oqiǵa kúnniń birinshi jartysynda bolǵan. Ǵimarat mańynda júrgen adamdar aiqailaǵan daýysty estigen. Oqiǵa sanaýly minýttyń ishinde bolǵan.
Oqiǵa ornyna jetken meditsina qyzmetkerleri qyzdy aman alyp qala almaǵan. Ol dárigerler kelgenge deiin alǵan jaraqatynan kóz jumǵan.
Kýágerlerdiń aitýynsha, qaiǵyly jaǵdaiǵa deiin marqum men burynǵy kúieýiniń arasynda janjal shyqqan. Aldyn ala boljam boiynsha, janjalǵa qyzdyń jańa jigitimen birge neke saraiyna kelýi sebep bolýy múmkin. Marqum balalaryn ózi tárbielep otyrǵan.
Politsiia kúdiktini jedel izdestirý sharalary barysynda anyqtap, ustaǵan.
Aqtóbe oblystyq politsiia departamentiniń málimetinshe, kúdikti ýaqytsha ustaý izoliatoryna qamalǵan. Qazir oqiǵanyń barlyq mán-jaiyn anyqtaýǵa baǵyttalǵan tergeý amaldary júrgizilip jatyr.
Atalǵan fakti boiynsha adam óltirý babymen qylmystyq is qozǵaldy.
Al neke saraiy ókilderi oqiǵaǵa qatysty pikir bildirýden bas tartqan.
