استانادا قايرات بورانباەۆ مەملەكەتكە قايتارعان Fitnation سپورتتىق-ساۋىقتىرۋ كەشەنٸ 2 ميلليارد 305 ميلليون تەڭگەگە ساتىلدى, دەپ حابارلايدى ult.kz.
تۇران داڭعىلى, 4/1 مەكەنجايىندا ورنالاسقان عيماراتتىڭ اۋدانى 4 مىڭ شارشى مەتر. ساۋدا-ساتتىققا كەشەنمەن بٸرگە 510 سپورتتىق جابدىق قويىلعان.
العاشىندا نىسان 2,9 ميلليارد تەڭگەگە باعالانعان. الايدا 15 قازاندا ساتىپ الۋشى تابىلماعاندىقتان اۋكتسيون ٶتپەدٸ. كەيٸن باستاپقى باعا 874 ميلليون تەڭگەگە تٶمەندەتٸلٸپ, كەشەن قايتا ساتىلىمعا شىعارىلدى.
ەكٸمدٸك جاڭا يەسٸنە بەس جىل بويى نىساننىڭ سپورتتىق-ساۋىقتىرۋ باعىتىن ساقتاۋدى مٸندەتتەدٸ. بۇعان دەيٸن كەشەندە ەرەكشە قاجەتتٸلٸكتەرٸ بار بالالاردى وڭالتۋ شارالارى ۇيىمداستىرىلعان.
Fitnation قايرات بورانباەۆقا قاتىستى قىلمىستىق ٸس اياسىندا مەملەكەت مەنشٸگٸنە ٶتكەن. 2023 جىلى سوت كەسٸپكەردٸ «قازترانسگاز» قاراجاتىن جىمقىردى جەنە جىلىستاتتى دەپ ايىپتاپ, التى جىلعا سوتتاعان.
ٷكٸمگە دەيٸن بورانباەۆ قۇنى 90 ميلليارد تەڭگەدەن اساتىن اكتيۆتەرٸن مەملەكەتكە ەرٸكتٸ تٷردە قايتارعان. سونىمەن قاتار بٸلٸم بەرۋ ينفراقۇرىلىمىن قولداۋ قورىنا 30 ميلليارد تەڭگە اۋدارعان.
