Astanada Qairat Boranbaev memleketke qaitarǵan Fitnation sporttyq-saýyqtyrý kesheni 2 milliard 305 million teńgege satyldy, dep habarlaidy ult.kz.
Turan dańǵyly, 4/1 mekenjaiynda ornalasqan ǵimarattyń aýdany 4 myń sharshy metr. Saýda-sattyqqa keshenmen birge 510 sporttyq jabdyq qoiylǵan.
Alǵashynda nysan 2,9 milliard teńgege baǵalanǵan. Alaida 15 qazanda satyp alýshy tabylmaǵandyqtan aýktsion ótpedi. Keiin bastapqy baǵa 874 million teńgege tómendetilip, keshen qaita satylymǵa shyǵaryldy.
Ákimdik jańa iesine bes jyl boiy nysannyń sporttyq-saýyqtyrý baǵytyn saqtaýdy mindettedi. Buǵan deiin keshende erekshe qajettilikteri bar balalardy ońaltý sharalary uiymdastyrylǵan.
Fitnation Qairat Boranbaevqa qatysty qylmystyq is aiasynda memleket menshigine ótken. 2023 jyly sot kásipkerdi «QazTransGaz» qarajatyn jymqyrdy jáne jylystatty dep aiyptap, alty jylǵa sottaǵan.
Úkimge deiin Boranbaev quny 90 milliard teńgeden asatyn aktivterin memleketke erikti túrde qaitarǵan. Sonymen qatar Bilim berý infraqurylymyn qoldaý qoryna 30 milliard teńge aýdarǵan.
