«ەدٸلەت» پارتيياسىنىڭ دەپۋتاتى گٷلزيرا اتاباەۆا پلاتفورمالىق جۇمىسپەن قامتىلعان ازاماتتاردىڭ قۇقىقتارىن قورعاۋ جەنە ولاردىڭ تابىسىنىڭ تۇراقتىلىعىن قامتاماسىز ەتۋ مەسەلەسٸن كٶتەردٸ. ول ەڭبەك جەنە حالىقتى ەلەۋمەتتٸك قورعاۋ مينيسترٸنە دەپۋتاتتىق ساۋال جولداپ, تسيفرلىق پلاتفورمالارداعى تەحنيكالىق اقاۋلار كەزٸندە ورىنداۋشىلاردى قورعاۋ تەتٸكتەرٸن ەزٸرلەۋدٸ ۇسىندى, دەپ حابارلايدى ult.kz.
دەپۋتاتتىڭ ايتۋىنشا, مەملەكەت باسشىسى قاسىم-جومارت توقاەۆ «قازاقستاننىڭ جاڭا تاريحي كەزەڭدەگٸ ٶزەكتٸ مٸندەتتەرٸ» اتتى قازاقستان حالقىنا جولداۋىندا ٷكٸمەتكە جىل سوڭىنا دەيٸن تسيفرلىق جۇمىسپەن قامتۋدىڭ وڭايلاتىلعان قۇقىقتىق رەجيمٸن قالىپتاستىرۋدى تاپسىرعان.
ەڭبەك جەنە حالىقتى ەلەۋمەتتٸك قورعاۋ مينيسترلٸگٸنٸڭ مەلٸمەتٸنشە, 2026 جىلعى قىركٷيەكتەگٸ جاعداي بويىنشا قازاقستاندا 35 ينتەرنەت-پلاتفورما وپەراتورى ارقىلى قىزمەت كٶرسەتەتٸن 956 مىڭعا جۋىق ورىنداۋشى بولعان. الداعى ۋاقىتتا پلاتفورمالىق ەكونوميكاعا تارتىلاتىن ازاماتتاردىڭ سانى ارتا تٷسۋٸ مٷمكٸن.
گٷلزيرا اتاباەۆا پلاتفورمالىق جۇمىسپەن قامتىلعان ازاماتتاردىڭ قۇقىقتارىن قورعاۋ «ەدٸلەت» پارتيياسىنىڭ سايلاۋالدى باعدارلاماسىندا دا قاراستىرىلعانىن اتاپ ٶتتٸ. اتاپ ايتقاندا, جۇمىسپەن قامتۋدىڭ يكەمدٸ نىسانىن ساقتاي وتىرىپ, قىزمەتكەرلەرگە بازالىق ەلەۋمەتتٸك كەپٸلدٸكتەر بەرۋ, ەلەۋمەتتٸك تٶلەمدەردٸڭ اشىق تەرتٸبٸن قالىپتاستىرۋ جەنە پلاتفورما مەن ورىنداۋشى اراسىنداعى جاۋاپكەرشٸلٸكتٸ ناقتىلاۋ كٶزدەلگەن.
دەپۋتات بۇل باعىتتاعى ٶزەكتٸ مەسەلەلەردٸڭ بٸرٸ رەتٸندە تسيفرلىق پلاتفورمالارداعى تەحنيكالىق اقاۋلاردى اتادى. مەسەلەن, Yandex Go سەرۆيسٸندەگٸ ٸركٸلٸس سالدارىنان تاكسي جٷرگٸزۋشٸلەرٸ مەن كۋرەرلەر ۋاقىتشا تاپسىرىس قابىلداپ, تابىس تابۋ مٷمكٸندٸگٸنەن ايىرىلعان. بۇعان قوسا, كەيبٸر ورىنداۋشىلار تاپقان قاراجاتىن شىعارىپ الۋدا قيىندىقتارعا تاپ بولعانى تۋرالى حابارلامالار تٷسكەن.
«بۇل جاعداي بٸر عانا جەكە تسيفرلىق پلاتفورمانىڭ تەحنيكالىق اقاۋى جٷزدەگەن مىڭ ازاماتتىڭ جۇمىسپەن قامتىلۋى مەن تابىسىنا تٸكەلەي ەسەر ەتٸپ, ولاردىڭ بٸر مەزەتتە جۇمىس ٸستەۋ مٷمكٸندٸگٸنەن ايىرىلۋىن كٶرسەتتٸ», – دەدٸ دەپۋتات.
وسىعان بايلانىستى گٷلزيرا اتاباەۆا ٷكٸمەتكە پلاتفورمالىق جۇمىسپەن قامتۋدىڭ ەڭبەك نارىعىنا تٶندٸرەتٸن تەۋەكەلدەرٸنە كەشەندٸ باعالاۋ جٷرگٸزۋدٸ ۇسىندى. سونىمەن قاتار تسيفرلىق پلاتفورمالارداعى جاپپاي تەحنيكالىق اقاۋلارعا دەن قويۋ جٶنٸندەگٸ ۆەدومستۆوارالىق جوسپار ەزٸرلەۋ قاجەتتٸگٸن ايتتى.
ونىڭ پٸكٸرٸنشە, مۇنداي جوسپار مەملەكەتتٸك ورگاندار مەن پلاتفورما وپەراتورلارىنىڭ ٶزارا ٸس-قيمىل تەرتٸبٸن, ازاماتتاردى شۇعىل حاباردار ەتۋ جەنە تاپسىرىستارعا قولجەتٸمدٸلٸكتٸ قالپىنا كەلتٸرۋ الگوريتمٸن قامتۋى كەرەك. سونداي-اق بەرەشەكتٸ جەدەل ٶتەۋ مەن زارداپ شەككەن ورىنداۋشىلارعا ەرٸكتٸ ٶتەماقى تٶلەۋ باعدارلامالارىن قاراستىرۋ ماڭىزدى.
بۇدان بٶلەك, دەپۋتات ۇزاققا سوزىلعان تەحنيكالىق اقاۋلار كەزٸندە ورىنداۋشىلاردىڭ مٷددەسٸن قورعايتىن پراكتيكالىق تەتٸكتەردٸ تسيفرلىق پلاتفورما وپەراتورلارىمەن بٸرلەسٸپ پىسىقتاۋدى ۇسىندى.
«تسيفرلىق جۇمىسپەن قامتۋدى دامىتۋ ازاماتتارعا پلاتفورما ارقىلى تابىس تابۋ مٷمكٸندٸگٸن بەرۋمەن عانا شەكتەلمەۋٸ كەرەك. ولار وسى تابىس كٶزٸنٸڭ تۇراقتىلىعى مەن سەنٸمدٸلٸگٸنە دە سەنٸمدٸ بولۋى قاجەت», – دەپ تٷيٸندەدٸ گٷلزيرا اتاباەۆا.
