قازاقستان مەن ٷندٸستان قىلمىستىق جاۋاپكەرشٸلٸككە تارتۋ نەمەسە سوت ٷكٸمٸن ورىنداتۋ ٷشٸن ٸزدەۋدە جٷرگەن ادامداردى ۇستاپ بەرۋ تۋرالى كەلٸسٸمگە كەلدٸ. ەكٸ ەل اراسىنداعى تيٸستٸ شارتقا باس پروكۋرور بەرٸك اسىلوۆ پەن ٷندٸستاننىڭ قازاقستانداعى ەلشٸسٸ سيلاس تانگال قول قويدى, دەپ حابارلايدى ult.kz.
قۇجاتقا قول قويۋ رەسٸمٸ بٷگٸن باس پروكۋراتۋرادا ٶتتٸ. جاڭا شارت ەكٸ مەملەكەتتٸڭ قۇقىق قورعاۋ ورگاندارىنا قىلمىس جاسادى دەگەن كٷدٸكپەن ٸزدەستٸرٸلٸپ جاتقان نەمەسە سوت ٷكٸمٸن ورىنداۋدان جالتارىپ جٷرگەن ادامداردى ۇستاپ بەرۋگە قۇقىقتىق نەگٸز قالىپتاستىرادى.
باس پروكۋراتۋرانىڭ مەلٸمەتٸنشە, كەلٸسٸم قىلمىس جاساعان ادامنىڭ جازادان جالتارۋىنا جول بەرمەۋگە جەنە جاۋاپكەرشٸلٸكتٸڭ بۇلتارتپاستىعىن قامتاماسىز ەتۋگە باعىتتالعان.
بۇل قۇجات قازاقستان مەن ٷندٸستان اراسىنداعى قىلمىستىق-قۇقىقتىق ىنتىماقتاستىقتىڭ شارتتىق نەگٸزٸن تولىقتىرادى. بۇعان دەيٸن ەكٸ مەملەكەت قىلمىستىق ٸستەر بويىنشا ٶزارا قۇقىقتىق كٶمەك كٶرسەتۋ جەنە سوتتالعان ادامداردى بەرۋ تۋرالى كەلٸسٸمدەردٸ قولدانىسقا ەنگٸزگەن.
باس پروكۋروردىڭ ايتۋىنشا, جاڭا شارت ەكٸ ەل اراسىنداعى ساۋدا-ەكونوميكالىق جەنە مەدەني-گۋمانيتارلىق بايلانىستاردىڭ قارقىندى دامۋى جاعدايىندا ەرەكشە ماڭىزعا يە.
قازٸر قازاقستاندا فارماتسەۆتيكا, تاۋ-كەن ٶندٸرٸسٸ, مەديتسينا جەنە تاماق ٶنەركەسٸبٸ سالالارىندا 600-دەن استام ٷندٸ كومپانيياسى جۇمىس ٸستەيدٸ. سونىمەن قاتار ٷندٸستان قازاقستاندا بٸلٸم الىپ جاتقان شەتەلدٸك ستۋدەنتتەر سانى بويىنشا بٸرٸنشٸ ورىندا تۇر. مەسەلەن, 2025–2026 وقۋ جىلىندا ەلٸمٸزدە 10 مىڭعا جۋىق ٷندٸستاندىق ستۋدەنت بٸلٸم العان.
سوڭعى جىلدارى ەكٸ ەل ازاماتتارىنىڭ, سونىڭ ٸشٸندە تۋريستەردٸڭ ٶزارا ساپارلارى دا كٶبەيگەن. وسىعان بايلانىستى مەملەكەتارالىق بايلانىستاردى نىعايتۋمەن قاتار, ترانسشەكارالىق قىلمىسقا قارسى كٷرەستە دە بٸرلەسكەن جۇمىستى كٷشەيتۋ قاجەتتٸلٸگٸ تۋىنداپ وتىر.
