Prezident Qasym-Jomart Toqaev belgili ánshi, Qazaqstannyń eńbek sińirgen qairatkeri Nurlan Ónerbaevty 65 jasqa tolýymen quttyqtady. Memleket basshysynyń quttyqtaýyn Mádeniet jáne aqparat ministri Arman Qyryqbaev Astanada ótken kezdesýde tabystady, dep habarlaidy ult.kz.
Prezident quttyqtaýynda óner iesiniń elimizdiń mádenieti men ónerin damytýǵa, mýzykalyq murasyn dáripteýge qosqan úlesin atap ótti.
«Ózińizge tán qońyr daýysyńyz ben erekshe oryndaýshylyq mánerińiz talǵampaz tyńdarmannyń júreginen oryn aldy. Siz dástúr sabaqtastyǵyn saqtap, halyq ánderi men belgili kompozitorlardyń tańdaýly týyndylaryn nasihattaýǵa mol úles qosyp kelesiz. Izdeniske toly shyǵarmashylyq jolyńyz jemisti bolyp, talantty shákirtter tárbieledińiz», – delingen quttyqtaýda.
Memleket basshysy Nurlan Ónerbaevqa myqty densaýlyq, otbasyna baq-bereke jáne elimizdiń rýhani-mádeni murasyn baiytý jolyndaǵy eńbegine tolaǵai tabys tiledi.
