Oralda úsh jasóspirim júrip kele jatqan avtobýstyń artyna jabysyp, qaýipti áreketke barǵan. Oqýshylardyń bul qylyǵy politsiia nazaryna iligip, ata-analary ákimshilik jaýapkershilikke tartyldy, dep habarlaidy ult.kz.
Polisia.kz málimetinshe, oqiǵa 3 qarasha kúni saǵat 18:30 shamasynda Abai dańǵylynda bolǵan. Úsh jasóspirim №22 baǵyttaǵy avtobýstyń artqy bóligine jabysyp, aiaqtaryn kóliktiń bólshekterine tirep, qozǵalys kezinde birge ilesip júrgen.
Abyroi bolǵanda, oqýshylar zardap shekken joq.
Oqiǵa týraly aqparat alǵan politsiia qyzmetkerleri beinejazbalardy aýmaqtaǵy mektepterdiń politsiia inspektorlaryna joldaǵan. Nátijesinde jasóspirimderdiń qala mektepteriniń birinde oqityn 8-9 synyp oqýshylary ekeni anyqtaldy.
Politsiia qyzmetkerleri mektep ákimshiligimen birlesip, oqýshylar men olardyń ata-analaryn shaqyryp, túsindirý jumystaryn júrgizdi. Jasóspirimderge mundai árekettiń adam ómirine tóndiretin qaýpi túsindirildi.
Oqiǵaǵa bailanysty kámeletke tolmaǵandardyń ata-analary zańnamaǵa sáikes ákimshilik jaýapkershilikke tartyldy.
Politsiia ókilderi ata-analardy balalarynyń qaýipsizdigine beijai qaramaýǵa shaqyrdy. Mamandardyń aitýynsha, júrip kele jatqan kólikke jabysyp júrý aýyr zardaptarǵa ákelýi múmkin.
