Soltústik Qazaqstan oblysyndaǵy qylmystyq-atqarý júiesi mekemesine tyiym salynǵan zattardy jasyryn jetkizý áreketiniń joly kesildi. Tekserý kezinde azyq-túlik tasymaldaǵan kólikten 13 uialy telefon men bailanys quraldary tabyldy, dep habarlaidy ult.kz.
Polisia.kz málimetinshe, oqiǵa SQO boiynsha QAJ departamentiniń №51 mekemesinde bolǵan. Mekemeniń ashanasyna azyq-túlik jetkizgen VAZ markaly avtokólikti tekserý barysynda qyzmetkerler men Ulttyq ulannyń áskeri qyzmetshileri polietilennen jasalǵan jeti oramany anyqtaǵan.
Oramalardyń ishine tyiym salynǵan zattar jasyrylǵan bolyp shyqty. Tekserý nátijesinde 13 uialy telefon, SIM-kartalar, qulaqqaptar jáne USB kabelderi tárkilendi.
Qazir zańsyz júkti mekemege jetkizýge qatysy bar tulǵalardy anyqtap, olardy jaýapkershilikke tartý úshin qajetti materialdar jinaqtalyp jatyr.
Aita keteiik, Qazaqstan Respýblikasynyń Ákimshilik quqyq buzýshylyq týraly kodeksiniń 481-babyna sáikes, qylmystyq-atqarý júiesi mekemelerinde ustalatyn adamdarǵa tyiym salynǵan zattardy berý ákimshilik jaýapkershilikke ákep soǵady.
