Kókshetaýda urlyq jasaǵany úshin probatsiialyq baqylaýda júrgen áiel elektrondy bilezigin óz betinshe sheship, qala aýmaǵynan shyǵyp ketpek bolǵan. Alaida tsifrlyq baqylaý júiesi onyń áreketin der kezinde anyqtap, áiel Kókshetaýdan shyǵar jolda ustaldy. Endi ol jazasyn túrmede óteýi múmkin, dep habarlaidy ult.kz.
Aqmola oblysy boiynsha Qylmystyq-atqarý júiesi departamentiniń málimetinshe, áiel sot belgilegen shekteýlerdi qasaqana buzyp, elektrondy baqylaý qurylǵysyn sheship tastaǵan. Qurylǵy signaly joǵalǵanyn baiqaǵan probatsiia qyzmetiniń mamandary birden izdestirý sharalaryn bastaǵan.
Nátijesinde áieldiń júrgen jeri Kókshetaý – Petropavl avtojolynyń boiynda, qaladan shyǵar tusta anyqtaldy. Ol qala sheginen asyp úlgermei ustaldy.
Meditsinalyq kýálandyrý kezinde áieldiń aǵzasynan psihotroptyq zattar anyqtalǵan. Osy derek boiynsha ákimshilik material toltyrylyp, sot sheshimimen oǵan 120 myń teńge aiyppul salyndy. Jaza taǵaiyndaý kezinde onyń kámeletke tolmaǵan balalary bary da eskerilgen.
Sonymen qatar probatsiialyq baqylaý talaptaryn buzyp, elektrondy bilezikti óz betinshe sheshkeni úshin áielge jazbasha eskertý berildi.
Qazir ýákiletti organ sottalǵan áieldi qylmystyq-atqarý júiesi mekemesine jiberý jáne oǵan taǵaiyndalǵan jazany naqty bas bostandyǵynan aiyrý jazasyna aýystyrý máselesin qaraý úshin sotqa tiisti materialdardy ázirlep, joldaǵan.
