كٶكشەتاۋدا ۇرلىق جاساعانى ٷشٸن پروباتسييالىق باقىلاۋدا جٷرگەن ەيەل ەلەكتروندى بٸلەزٸگٸن ٶز بەتٸنشە شەشٸپ, قالا اۋماعىنان شىعىپ كەتپەك بولعان. الايدا تسيفرلىق باقىلاۋ جٷيەسٸ ونىڭ ەرەكەتٸن دەر كەزٸندە انىقتاپ, ەيەل كٶكشەتاۋدان شىعار جولدا ۇستالدى. ەندٸ ول جازاسىن تٷرمەدە ٶتەۋٸ مٷمكٸن, دەپ حابارلايدى ult.kz.
اقمولا وبلىسى بويىنشا قىلمىستىق-اتقارۋ جٷيەسٸ دەپارتامەنتٸنٸڭ مەلٸمەتٸنشە, ەيەل سوت بەلگٸلەگەن شەكتەۋلەردٸ قاساقانا بۇزىپ, ەلەكتروندى باقىلاۋ قۇرىلعىسىن شەشٸپ تاستاعان. قۇرىلعى سيگنالى جوعالعانىن بايقاعان پروباتسييا قىزمەتٸنٸڭ ماماندارى بٸردەن ٸزدەستٸرۋ شارالارىن باستاعان.
نەتيجەسٸندە ەيەلدٸڭ جٷرگەن جەرٸ كٶكشەتاۋ – پەتروپاۆل اۆتوجولىنىڭ بويىندا, قالادان شىعار تۇستا انىقتالدى. ول قالا شەگٸنەن اسىپ ٷلگەرمەي ۇستالدى.
مەديتسينالىق كۋەلاندىرۋ كەزٸندە ەيەلدٸڭ اعزاسىنان پسيحوتروپتىق زاتتار انىقتالعان. وسى دەرەك بويىنشا ەكٸمشٸلٸك ماتەريال تولتىرىلىپ, سوت شەشٸمٸمەن وعان 120 مىڭ تەڭگە ايىپپۇل سالىندى. جازا تاعايىنداۋ كەزٸندە ونىڭ كەمەلەتكە تولماعان بالالارى بارى دا ەسكەرٸلگەن.
سونىمەن قاتار پروباتسييالىق باقىلاۋ تالاپتارىن بۇزىپ, ەلەكتروندى بٸلەزٸكتٸ ٶز بەتٸنشە شەشكەنٸ ٷشٸن ەيەلگە جازباشا ەسكەرتۋ بەرٸلدٸ.
قازٸر ۋەكٸلەتتٸ ورگان سوتتالعان ەيەلدٸ قىلمىستىق-اتقارۋ جٷيەسٸ مەكەمەسٸنە جٸبەرۋ جەنە وعان تاعايىندالعان جازانى ناقتى باس بوستاندىعىنان ايىرۋ جازاسىنا اۋىستىرۋ مەسەلەسٸن قاراۋ ٷشٸن سوتقا تيٸستٸ ماتەريالداردى ەزٸرلەپ, جولداعان.
