مەملەكەت باسشىسى قاسىم-جومارت توقاەۆ Network School جوباسىنىڭ نەگٸزٸن قالاۋشى بالادجي شرينيۆاساندى قابىلدادى. كەزدەسۋدە قازاقستانداعى تەحنولوگييالىق ەكوجٷيەنٸ دامىتۋ, تسيفرلىق بٸلٸم بەرۋ جەنە يننوۆاتسييالىق جوبالاردى قولداۋ مەسەلەلەرٸ تالقىلاندى, دەپ حابارلايدى ult.kz.
پرەزيدەنت Network School جوباسىنىڭ قازاقستانداعى تەحنولوگييالىق ەكوجٷيەنٸڭ قالىپتاسۋىنا قوسقان ٷلەسٸن جوعارى باعالاپ, ىنتىماقتاستىقتى ودان ەرٸ نىعايتۋعا دايىن ەكەنٸن جەتكٸزدٸ.
قاسىم-جومارت توقاەۆ ەلٸمٸز تەحنولوگييانى تەرەڭ مەڭگەرگەن كٶشباسشىلاردىڭ جاڭا بۋىنىن تەربيەلەۋ ٷشٸن بٸلٸمگە, عىلىمعا جەنە تسيفرلىق قۇزىرەتتەردٸ دامىتۋعا بەلسەندٸ ينۆەستيتسييا سالىپ جاتقانىن اتاپ ٶتتٸ.
وسى رەتتە مەملەكەت باسشىسى جۋىرداعى جولداۋىندا جارييالانعان «حالىقتىق قۇرىلىس» باستاماسىنا توقتالدى. ونىڭ ايتۋىنشا, بۇل جوبا كەلەشەك ۇرپاققا ماڭىزدى مۇرا قالدىرۋعا مٷمكٸندٸك بەرەدٸ. باعدارلاما اياسىندا مەكتەپتەر, ۋنيۆەرسيتەتتەر جەنە مەديتسينالىق مەكەمەلەر سيياقتى ەلەۋمەتتٸك ينفراقۇرىلىم نىساندارىن سالۋ جوسپارلانعان.
پرەزيدەنت استانادا Network School Kazakhstan جەلٸسٸنٸڭ ٸسكە قوسىلۋىن قۇپتاپ, جوبانىڭ قازاقستان ۋنيۆەرسيتەتتەرٸمەن, ستارتاپتارىمەن جەنە تەحنولوگييالىق كەسٸپورىندارىمەن سەرٸكتەستٸكتٸ كەڭەيتۋ نيەتٸن قولدادى.
سونىمەن قاتار قاسىم-جومارت توقاەۆ Astana AI Film فەستيۆالٸنە ينۆەستيتسييالىق قولداۋ كٶرسەتكەنٸ ٷشٸن بالادجي شرينيۆاسانعا العىس بٸلدٸردٸ.
كەزدەسۋ بارىسىندا Network School نەگٸزٸن قالاۋشى قازاقستاندا وزىق تەحنولوگييالىق شەشٸمدەر مەن ەكونوميكانىڭ دەستٷرلٸ سالالارى ٷيلەسٸم تاۋىپ وتىرعانىن اتاپ ٶتتٸ. سونداي-اق ول Network School Kazakhstan جوباسىنىڭ باسىم باعىتتارىن تانىستىردى. ولاردىڭ قاتارىندا تسيفرلىق شەشٸمدەردٸ دامىتۋ, ادام كاپيتالىن جەتٸلدٸرۋ جەنە يننوۆاتسييالىق ەزٸرلەمەلەردٸ ەنگٸزۋگە قولايلى جاعداي جاساۋ بار.
كەزدەسۋ سوڭىندا مەملەكەت باسشىسى بالادجي شرينيۆاساندى قازاقستانداعى جاساندى ينتەللەكت پەن يننوۆاتسييانى دامىتۋعا قوسقان ٷلەسٸ ٷشٸن II دەرەجەلٸ «دوستىق» وردەنٸمەن ماراپاتتادى.
