قازاقستاندىق تانىمال ەنشٸ جەڭٸس ىسقاقوۆا ٶزٸنە جيٸ قويىلاتىن توسىن سۇراققا جاۋاپ بەرٸپ, ەر ەرٸپتەستەرٸنٸڭ ٶزٸن قالاي اتايتىنىن ايتىپ بەردٸ, دەپ حابارلايدى ult.kz.
ٶنەر يەسٸ "كەشكٸ الماتى" باعدارلاماسىنا قوناق بولىپ, شىعارماشىلىق جولى, وتباسى جەنە ەرٸپتەستەرٸمەن قارىم-قاتىناسى تۋرالى ەڭگٸمەلەدٸ.
سۇحبات بارىسىندا ەنشٸگە "جەڭٸس ىسقاقوۆا ەركەك پە, ەلدە ەيەل مە?" دەگەن قىزىق ساۋال قويىلدى. ەنشٸ بۇل سۇراقتىڭ تۋىنداۋىنا ەرٸپتەستەرٸنٸڭ ٶزٸن ەرەكشە اتاۋى سەبەپ بولۋى مٷمكٸن ەكەنٸن ايتىپ, كٶپشٸلٸكتٸ كٷلدٸردٸ.
"نەگە دەيسٸڭ عوي, ٶيتكەنٸ ٶزٸمنەن كەيٸنگٸ ەرٸپتەستەرٸم سەيفۋللين, مۇقاسان, جۇبانىش بار. ولاردىڭ بەرٸ مەنٸ "براتان" دەيدٸ دا, سوسىن شاتاسادى", – دەدٸ جەڭٸس ىسقاقوۆا.
وسىلايشا ەنشٸ ەر ەرٸپتەستەرٸمەن اراداعى ەركٸن قارىم-قاتىناسىن ەزٸلمەن جەتكٸزدٸ. ونىڭ سٶزٸنەن ٶنەردەگٸ ەرٸپتەستەرٸمەن جاقىن ارالاساتىنىن اڭعارۋعا بولادى.
سونىمەن قاتار باعدارلاما بارىسىندا جەڭٸس ىسقاقوۆا جەكە ٶمٸرٸ مەن وتباسى تۋرالى دا سٶز قوزعادى. ەنشٸ 60 جاسقا تولعان مەرەيتويىندا بولعان قىزىقتى وقيعالاردى ەسكە الىپ, ٶمٸرٸندەگٸ ەستە قالارلىق سەتتەرٸمەن بٶلٸستٸ.
جەڭٸس ىسقاقوۆا كٸم?
جەڭٸس ەرماعانبەتقىزى ىسقاقوۆا – قازاق ەستراداسىنىڭ بەلگٸلٸ ەنشٸسٸ, قازاقستاننىڭ ەڭبەك سٸڭٸرگەن قايراتكەرٸ. ول 1966 جىلى 9 مامىردا قىزىلوردا وبلىسى سىردارييا اۋدانى تەرەڭٶزەك كەنتٸندە دٷنيەگە كەلگەن.
1982 جىلى ورتا مەكتەپتٸ تەمامداپ, ٶنەر جولىنا بەت بۇرعان. 1984 جىلى كومپوزيتور رامازان تايمانوۆ قۇرعان انسامبلدە ەنشٸ بولىپ ەڭبەك جولىن باستاعان. 1985–1987 جىلدارى جٷسٸپبەك ەلەبەكوۆ اتىنداعى رەسپۋبليكالىق ەسترادا-تسيرك وقۋ ورنىندا بەلگٸلٸ ەنشٸ لاكي كەسوگلۋدىڭ كلاسىندا بٸلٸم العان.
1987 جىلى يۋرمالادا ٶتكەن بٷكٸلوداقتىق ەسترادا ورىنداۋشىلارى بايقاۋىندا "كٶرەرمەندەر كٶزايىمى" اتالىمى بويىنشا ماراپاتتالعان. سول جىلى "جاڭا ەسٸم" بٷكٸلوداقتىق بايقاۋىنىڭ لاۋرەاتى اتانىپ, مەسكەۋدەگٸ "ۆيۆات, ۆيكتورييا" حالىقارالىق كونكۋرسىنىڭ گران-پريٸن جەڭٸپ العان.
ونىڭ رەپەرتۋارىندا "سىر سۇلۋى", "ايالا سەن مەنٸ", "تٷنگٸ جاڭبىر", "جان ەكە" جەنە باسقا دا تانىمال ەندەر بار.
2005 جىلى ٶنەر سالاسىنا قوسقان ٷلەسٸ ٷشٸن "قازاقستاننىڭ ەڭبەك سٸڭٸرگەن قايراتكەرٸ" قۇرمەتتٸ اتاعىن يەلەنگەن. سونىمەن قاتار ەنشٸ قازاق ۇلتتىق ٶنەر ۋنيۆەرسيتەتٸندە ۇستازدىق قىزمەت اتقارىپ, جاس ٶنەرپازداردى تەربيەلەۋمەن اينالىسقا
