الماتىدا 3 قاراشا كٷنٸ ٶتكەن “قازاق ارۋى – 2026” بايقاۋىنداعى بٸر سەت ەلەۋمەتتٸك جەلٸدە قىزۋ تالقىلاندى. جٷرگٸزۋشٸ اشا ماتايدىڭ تاياۋ شىعىستاعى قاقتىعىس تۋرالى سۇراعىنا قاتىسۋشىلاردىڭ بٸرٸ بٸردەن جاۋاپ بەرە الماي, ابدىراپ قالعان, دەپ حابارلايدى ult.kz.
بايقاۋعا قاتىسۋشى سۇراقتىڭ مەنٸن بٸردەن تٷسٸنە الماعان. وسى سەتتٸڭ ۆيدەوسى جەلٸگە تاراپ, سۇلۋلىق سايىسىندا قانداي تاقىرىپتار قوزعالعانى جٶن دەگەن پٸكٸرتالاسقا ۇلاستى.
جەلٸ قولدانۋشىلارىنىڭ بٸر بٶلٸگٸ ساياسات پەن دٸنگە قاتىستى كٷردەلٸ مەسەلەلەردٸ مۇنداي بايقاۋدا كٶتەرۋدٸ ورىنسىز دەپ باعالادى. ولاردىڭ پٸكٸرٸنشە, حالىقارالىق قاقتىعىستار تۋرالى سۇراققا ساحنادا بٸردەن جاۋاپ بەرۋ وڭاي ەمەس.
بيىلعى بايقاۋدا الماتىنىڭ اتىنان قاتىسقان 20 جاستاعى ستۋدەنت ەرٸ بلوگەر اسىلىم ٶتەپبەرگەن جەڭٸمپاز اتاندى. ول كٶرەرمەندەردٸڭ 17 164 داۋىسىن جيناعان. جەڭٸمپازعا ديزاينەر ايدا كاۋمەنوۆا ەزٸرلەگەن اۆتورلىق شاپان مەن شەتەلگە ساياحات جولداماسى تابىستالدى.
“قازاق ارۋى – 2026” بايقاۋىن بايان الاگٶزوۆانىڭ BM Production پروديۋسەرلٸك ورتالىعى ۇيىمداستىردى.
ايتا كەتەيٸك, تٷركييادا دەمالىپ جٷرگەن اشا ماتاي توسىن جازبا جارييالادى.
اشا ماتاي كٸم?
اشا ماتاي – قازاقستاندىق تەلەجٷرگٸزۋشٸ, ەنشٸ جەنە اكتريسا. شىن ەسٸمٸ – اقبوتا ماراتقىزى اسقاربەكوۆا. ول 1988 جىلعى 22 جەلتوقساندا دٷنيەگە كەلگەن. مەكتەپتەن كەيٸن ەل-فارابي اتىنداعى قازاق ۇلتتىق ۋنيۆەرسيتەتٸنٸڭ حالىقارالىق قاتىناستار فاكۋلتەتٸندە حالىقارالىق قۇقىق ماماندىعى بويىنشا بٸلٸم العان. ستۋدەنت كەزٸندە شىعارماشىلىققا بەت بۇرىپ, “سانا” تريوسىنىڭ قۇرامىندا ەن ايتقان.
تەلەۆيزيياداعى ەڭبەك جولىن 2008 جىلى HitTV مۋزىكالىق ارناسىندا باستاعان. كەيٸن ويىن-ساۋىق باعدارلامالارى مەن كونتسەرتتەردٸڭ جٷرگٸزۋشٸسٸ رەتٸندە تانىلدى. ول “شابىت”, “جاھان دالا” بايقاۋلارىنىڭ لاۋرەاتى, رەسپۋبليكالىق “جۇلدىزدار يمپەريياسى” تەلەبايقاۋىنىڭ جەڭٸمپازى اتانعان. سونىمەن قاتار ٷلكەن تەننيستەن سپورت شەبەرلٸگٸنە كانديدات اتاعى بار.
اشا ماتاي كينو سالاسىندا دا بٸرقاتار رٶل سومداعان. دوسحان جولجاقسىنوۆتىڭ “بٸرجان سال” فيلمٸندە لەيلٸمنٸڭ بەينەسٸن الىپ شىقتى. سونداي-اق “استانا – عاشىقتار مەكەنٸ”, “وبراتنايا ستورونا”, “جانىم-2”, “16 قىز” جەنە “سامايا كراسيۆايا” تۋىندىلارىنا تٷسكەن. ونىڭ شىعارماشىلىق جولىندا ەنشٸلٸك, اكتەرلٸك جەنە تەلەجٷرگٸزۋشٸلٸك قاتار ٶربٸدٸ.
2015 جىلعى قىركٷيەكتە اشا ماتاي Mysterions توبىنىڭ ەنشٸسٸ ارمان قوڭىرباەۆپەن شاڭىراق كٶتەردٸ. ەكەۋٸ “سىناق” باعدارلاماسىنىڭ تٷسٸرٸلٸمٸندە تانىسقان. ولاردىڭ اسىلىم جەنە ايىم ەسٸمدٸ قىزدارى بار. ٶنەرلٸ جۇپ بٸرلەسٸپ ەن جازىپ, بەينەباياندار دا شىعارعان. سولاردىڭ قاتارىندا “جارالاماعىن” جەنە “اۋ, جانىم” تۋىندىلارى بار.
