الماتى قالاسىنىڭ المالى اۋداندىق سوتىندا سانجار بوقاەۆ پەن ٶزگە دە ايىپتالۋشىلارعا قاتىستى قىلمىستىق ٸس بويىنشا كەزەكتٸ سوت وتىرىسى باستالدى. ولارعا الاياقتىق, قىلمىستىق جولمەن الىنعان اقشانى زاڭداستىرۋ, ۇرلىق, اعاشتاردى زاڭسىز كەسۋ جەنە كٶرٸنەۋ جالعان اقپارات تاراتۋ ايىپتارى تاعىلعان.
بٷگٸنگٸ سوتتىڭ قارساڭىندا «قازترانسگاز» اق باس ديرەكتورىنىڭ بۇرىنعى قارجى جەنە ەكونوميكا جٶنٸندەگٸ ورىنباسارى داير كۋشەروۆ پەن «We Can» جشس ديرەكتورى جۇلدىز ارتىقباەۆادان جاۋاپ الىندى. ولاردىڭ ايعاقتارى ميلليونداعان تەڭگەگە جاسالعان شارتتاردىڭ مەن-جايىنا, مەردٸگەرلەردٸ تاڭداۋ تەرتٸبٸنە, جۇمىستاردىڭ ٸس جٷزٸندە ورىندالۋىنا جەنە قاراجاتتىڭ كەيٸنگٸ قوزعالىسىنا قاتىستى بولدى.
اتاپ ايتقاندا, داير كۋشەروۆ حالىقارالىق اۆتوشەرۋدٸ قارجىلاندىرۋ مەسەلەسٸ كەسٸپوداق كوميتەتٸنٸڭ تاراپىنان قول جيناۋ ارقىلى سىرتتاي ماقۇلدانعانىن ايتتى, بۇعان قوسا سمەتالار دا ەش تەكسەرٸلمەگەن. ونىڭ سٶزٸنشە, «BM Trust» جەنە «We Can» جشس-لارىن تارتۋدى بوقاەۆتىڭ ٶزٸ ۇسىنعان, ال باسقا مەردٸگەرلەر قاراستىرىلماعان. كوميتەت مٷشەلەرٸ بوقاەۆقا سەنٸم ارتقانىمەن, كومپانييالاردىڭ بٸرٸنٸڭ ونىڭ جيەنٸنٸڭ اتىنا رەسٸمدەلگەنٸنەن حابارسىز بولعان.
اۆتوشەرۋدٸ ۇيىمداستىرۋدىڭ مەن-جايىن «We Can» جشس ديرەكتورى جۇلدىز ارتىقباەۆا تولىعىراق باياندادى. ونىڭ ايتۋىنشا, «We Can» كومپانيياسىنىڭ قۇرىلۋىنا تٸكەلەي بوقاەۆ اتسالىسقان. بۇعان دەيٸن ول ارتىقباەۆانى «BM Trust» كومپانيياسىنا جۇمىسقا ورنالاستىرعان, كەيٸن «قازترانسگازدىڭ» تەندەرلەرٸنە قاتىسۋ ٷشٸن جەكە كومپانييا تٸركەۋدٸ تاپسىرعان. كومپانييانى تٸركەۋگە قاجەتتٸ مەكەنجايدى دا ٶزٸ بەرگەن. ال شارتتاردى ورىنداۋ جەنە ورىندالعان جۇمىستاردى رەسٸمدەۋ مەسەلەلەرٸن ارتىقباەۆا تٸكەلەي بوقاەۆپەن كەلٸسٸپ وتىرعان.
كۋەگەردٸڭ مەلٸمدەۋٸنشە, ونىڭ كومپانيياسى قازاقستان اۋماعىنداعى ٸس-شارانى ٶتكٸزۋ جٶنٸندەگٸ مٸندەتتەمەلەرٸن 38 ملن تەڭگەلٸك شارت اياسىندا ٶز كٷشٸمەن ورىنداعان. ول جۇمسالعان شىعىنداردى راستايتىن قارجىلىق قۇجاتتار مەن تٷبٸرتەكتەردٸ سوتقا ۇسىنعان.
سونىمەن قاتار, كۋەگەر بوقاەۆتىڭ جيەنٸنٸڭ اتىنا رەسٸمدەلگەن «BM Trust» جشس-مەن جاسالعان سوماسى 40 ملن تەڭگەدەن اساتىن ەكٸنشٸ شارتتىڭ بار ەكەنٸن بۇرىن بٸلمەگەنٸن ايتتى. ارتىقباەۆانىڭ سٶزٸنشە, بۇل كومپانييا ٸس-شارانى ۇيىمداستىرۋعا مٷلدە قاتىسپاعان. ونىڭ ٷستٸنە, «BM Trust» سمەتاسىندا كٶرسەتٸلگەن كەيبٸر شىعىنداردى «We Can» جشس بۇعان دەيٸن-اق تٶلەپ قويعان.
بۇدان بٶلەك, ارتىقباەۆا بوقاەۆتىڭ ٶتٸنٸشٸ بويىنشا جٷرگٸزٸلگەن قارجىلىق وپەراتسييالار تۋرالى دا مەلٸمدەدٸ. اتاپ ايتقاندا, كۋەگەردٸڭ جەكە بانك كارتاسىنا بوقاەۆتىڭ «Art romance» جيھاز بيزنەسٸنٸڭ كليەنتتەرٸنەن دەپ ايتىلعان 9 ملن تەڭگەدەن استام قاراجات تٷسكەن. كەيٸن ول بۇل اقشانى قولما-قول اقشاعا اينالدىرىپ, بوقاەۆقا بەرگەنٸن ايتتى. سونداي-اق, ارتىقباەۆا «BM Trust» جشس-نەن تٷسكەن 1,5 ملن تەڭگەنٸ قولما-قول اقشاعا اينالدىرۋ جەنە باسقا كومپانييانىڭ ەسەپشوتىنا اقشا اۋدارۋ جاعدايلارىن دا باياندادى.
ونىڭ جاۋابىنان كەيٸن بوقاەۆتىڭ ادۆوكاتتارى سوتتان ٷزٸلٸس جارييالاۋدى سۇرادى. بٸراز ۋاقىتتان سوڭ سوت وتىرىسى قايتا جالعاسىپ, قورعاۋ تاراپى كۋەگەردەن جاۋاپ الۋدى جالعاستىردى.
