قازاقستاندا 2256 يەسٸز, اۆارييالىق جەنە ٶزدٸگٸنەن تٶگٸلەتٸن گيدروگەولوگييالىق ۇڭعىما تٸركەلگەن. ولاردىڭ ۋاقىتىلى جويىلماۋى نەمەسە كونسەرۆاتسييالانباۋى سۋ ىسىرابىنا جەنە قورشاعان ورتاعا زييان كەلتٸرۋٸ مٷمكٸن. وسى مەسەلەگە بايلانىستى «ەدٸلەت» پارتيياسى فراكتسيياسىنىڭ دەپۋتاتى بوتا ەلەۋسٸزوۆا ٷكٸمەتكە دەپۋتاتتىق ساۋال جولدادى, دەپ حابارلايدى ult.kz.
دەپۋتات پرەمەر-مينيستردٸڭ ورىنباسارى قانات بوزىمباەۆقا جولداعان ساۋالىندا ەلٸمٸزدٸڭ جەراستى سۋ قورلارىن تيٸمدٸ پايدالانۋ جەنە گيدروگەولوگييالىق ۇڭعىمالاردىڭ جاعدايىن رەتكە كەلتٸرۋ مەسەلەسٸن كٶتەردٸ.
"قازاقستانداعى بەكٸتٸلگەن جەراستى سۋ قورلارى تەۋلٸگٸنە 43,2 ميلليون تەكشە مەتردٸ قۇراسا, ناقتى پايدالانىلاتىن كٶلەمٸ شامامەن 1,5 ميلليون تەكشە مەتر عانا. بۇل بەكٸتٸلگەن قورلاردىڭ نەبەرٸ 3,5 پايىزى.
ەسٸرەسە سۋ تاپشىلىعى بايقالاتىن ٶڭٸرلەردە جەراستى سۋلارىن اۋىل شارۋاشىلىعى مەن ەلدٸ مەكەندەردٸڭ قاجەتتٸلٸكتەرٸنە تيٸمدٸ پايدالانۋ مەسەلەسٸ ٶزەكتٸ", – دەدٸ دەپۋتات.
دەپۋتات يەسٸز جەنە اۆارييالىق ۇڭعىمالار مەسەلەسٸمەن قاتار, جەراستى سۋلارىنىڭ مونيتورينگٸن جەتٸلدٸرۋ, گيدروگەولوگييالىق دەرەكتەردٸ بٸرىڭعاي تسيفرلىق جٷيەگە بٸرٸكتٸرۋ جەنە ناقتى سۋ الۋ كٶلەمٸن باقىلاۋ قاجەتتٸگٸن اتاپ ٶتتٸ.
ونىڭ سٶزٸنشە, جەراستى سۋ قورلارىن يگەرۋ كەزٸندە ولاردىڭ تابيعي تولىقتىرىلۋ مٷمكٸندٸگٸ, ساپاسى, مينەرالدانۋ دەڭگەيٸ جەنە ەكولوگييالىق قاۋٸپسٸزدٸك تالاپتارى ەسكەرٸلۋٸ كەرەك.
وسىعان بايلانىستى دەپۋتات ٷكٸمەتكە بەس ۇسىنىس جولدادى. اتاپ ايتقاندا:
جەراستى سۋ قورلارىن ٶڭٸرلەر بويىنشا تٷگەندەپ, ولاردىڭ ناقتى پايدالانىلۋى مەن يگەرۋ مٷمكٸندٸگٸنە كەشەندٸ تالداۋ جٷرگٸزۋ;
يەسٸز جەنە اۆارييالىق ۇڭعىمالاردى جويۋ مەن كونسەرۆاتسييالاۋ جۇمىستارىن جەدەلدەتٸپ, بٸرىڭعاي تسيفرلىق تٸزٸلٸم قالىپتاستىرۋ;
جەراستى سۋلارىنىڭ مونيتورينگٸن جاڭعىرتىپ, گەولوگييالىق جەنە گيدروگەولوگييالىق دەرەكتەردٸ بٸرىڭعاي تسيفرلىق جٷيەگە بٸرٸكتٸرۋ;
اۋىل شارۋاشىلىعىندا جەراستى سۋلارىن پايدالانۋ ليميتتەرٸن عىلىمي نەگٸزدە بەلگٸلەپ, سۋ الۋ كٶلەمٸن تسيفرلىق ەسەپكە الۋ مەن باقىلاۋدى ەنگٸزۋ;
جەراستى سۋ قورلارىن بارلاۋ جەنە باعالاۋ جۇمىستارىنا بٶلٸنەتٸن بيۋدجەت قاراجاتىنىڭ تيٸمدٸلٸگٸنە تالداۋ جٷرگٸزۋ.
دەپۋتاتتىڭ پٸكٸرٸنشە, جەراستى سۋلارى – ەلدٸڭ سۋ قاۋٸپسٸزدٸگٸن قامتاماسىز ەتەتٸن ستراتەگييالىق رەسۋرس. ولاردى تيٸمدٸ باسقارۋ اۋىل شارۋاشىلىعىنىڭ تۇراقتىلىعىن ارتتىرىپ, حالىقتى اۋىزسۋمەن قامتاماسىز ەتۋگە جەنە ٶڭٸرلەردٸڭ دامۋىنا ىقپال ەتەدٸ.
بوتا ەلەۋسٸزوۆا ٷكٸمەتتەن دەپۋتاتتىق ساۋالدا كٶتەرٸلگەن مەسەلەلەر بويىنشا قابىلداناتىن شارالار, ولاردى ٸسكە اسىرۋ مەرزٸمدەرٸ جەنە كٷتٸلەتٸن نەتيجەلەر تۋرالى زاڭنامادا بەلگٸلەنگەن مەرزٸمدە جازباشا جاۋاپ بەرۋدٸ سۇرادى.
