Qazaqstanda 2256 iesiz, avariialyq jáne ózdiginen tógiletin gidrogeologiialyq uńǵyma tirkelgen. Olardyń ýaqytyly joiylmaýy nemese konservatsiialanbaýy sý ysyrabyna jáne qorshaǵan ortaǵa ziian keltirýi múmkin. Osy máselege bailanysty «Ádilet» partiiasy fraktsiiasynyń depýtaty Bota Eleýsizova Úkimetke depýtattyq saýal joldady, dep habarlaidy ult.kz.
Depýtat Premer-Ministrdiń orynbasary Qanat Bozymbaevqa joldaǵan saýalynda elimizdiń jerasty sý qorlaryn tiimdi paidalaný jáne gidrogeologiialyq uńǵymalardyń jaǵdaiyn retke keltirý máselesin kóterdi.
"Qazaqstandaǵy bekitilgen jerasty sý qorlary táýligine 43,2 million tekshe metrdi qurasa, naqty paidalanylatyn kólemi shamamen 1,5 million tekshe metr ǵana. Bul bekitilgen qorlardyń nebári 3,5 paiyzy.
Ásirese sý tapshylyǵy baiqalatyn óńirlerde jerasty sýlaryn aýyl sharýashylyǵy men eldi mekenderdiń qajettilikterine tiimdi paidalaný máselesi ózekti", – dedi depýtat.
Depýtat iesiz jáne avariialyq uńǵymalar máselesimen qatar, jerasty sýlarynyń monitoringin jetildirý, gidrogeologiialyq derekterdi biryńǵai tsifrlyq júiege biriktirý jáne naqty sý alý kólemin baqylaý qajettigin atap ótti.
Onyń sózinshe, jerasty sý qorlaryn igerý kezinde olardyń tabiǵi tolyqtyrylý múmkindigi, sapasy, mineraldaný deńgeii jáne ekologiialyq qaýipsizdik talaptary eskerilýi kerek.
Osyǵan bailanysty depýtat Úkimetke bes usynys joldady. Atap aitqanda:
jerasty sý qorlaryn óńirler boiynsha túgendep, olardyń naqty paidalanylýy men igerý múmkindigine keshendi taldaý júrgizý;
iesiz jáne avariialyq uńǵymalardy joiý men konservatsiialaý jumystaryn jedeldetip, biryńǵai tsifrlyq tizilim qalyptastyrý;
jerasty sýlarynyń monitoringin jańǵyrtyp, geologiialyq jáne gidrogeologiialyq derekterdi biryńǵai tsifrlyq júiege biriktirý;
aýyl sharýashylyǵynda jerasty sýlaryn paidalaný limitterin ǵylymi negizde belgilep, sý alý kólemin tsifrlyq esepke alý men baqylaýdy engizý;
jerasty sý qorlaryn barlaý jáne baǵalaý jumystaryna bólinetin biýdjet qarajatynyń tiimdiligine taldaý júrgizý.
Depýtattyń pikirinshe, jerasty sýlary – eldiń sý qaýipsizdigin qamtamasyz etetin strategiialyq resýrs. Olardy tiimdi basqarý aýyl sharýashylyǵynyń turaqtylyǵyn arttyryp, halyqty aýyzsýmen qamtamasyz etýge jáne óńirlerdiń damýyna yqpal etedi.
Bota Eleýsizova Úkimetten depýtattyq saýalda kóterilgen máseleler boiynsha qabyldanatyn sharalar, olardy iske asyrý merzimderi jáne kútiletin nátijeler týraly zańnamada belgilengen merzimde jazbasha jaýap berýdi surady.
