Qazaqstandyq tanymal ánshi Jeńis Ysqaqova ózine jii qoiylatyn tosyn suraqqa jaýap berip, er áriptesteriniń ózin qalai ataitynyn aityp berdi, dep habarlaidy ult.kz.
Óner iesi "Keshki Almaty" baǵdarlamasyna qonaq bolyp, shyǵarmashylyq joly, otbasy jáne áriptesterimen qarym-qatynasy týraly áńgimeledi.
Suhbat barysynda ánshige "Jeńis Ysqaqova erkek pe, álde áiel me?" degen qyzyq saýal qoiyldy. Ánshi bul suraqtyń týyndaýyna áriptesteriniń ózin erekshe ataýy sebep bolýy múmkin ekenin aityp, kópshilikti kúldirdi.
"Nege deisiń ǵoi, óitkeni ózimnen keiingi áriptesterim Seifýllin, Muqasan, Jubanysh bar. Olardyń bári meni "bratan" deidi da, sosyn shatasady", – dedi Jeńis Ysqaqova.
Osylaisha ánshi er áriptesterimen aradaǵy erkin qarym-qatynasyn ázilmen jetkizdi. Onyń sózinen ónerdegi áriptesterimen jaqyn aralasatynyn ańǵarýǵa bolady.
Sonymen qatar baǵdarlama barysynda Jeńis Ysqaqova jeke ómiri men otbasy týraly da sóz qozǵady. Ánshi 60 jasqa tolǵan mereitoiynda bolǵan qyzyqty oqiǵalardy eske alyp, ómirindegi este qalarlyq sátterimen bólisti.
Jeńis Ysqaqova kim?
Jeńis Ermaǵanbetqyzy Ysqaqova – qazaq estradasynyń belgili ánshisi, Qazaqstannyń eńbek sińirgen qairatkeri. Ol 1966 jyly 9 mamyrda Qyzylorda oblysy Syrdariia aýdany Tereńózek kentinde dúniege kelgen.
1982 jyly orta mektepti támamdap, óner jolyna bet burǵan. 1984 jyly kompozitor Ramazan Taimanov qurǵan ansamblde ánshi bolyp eńbek jolyn bastaǵan. 1985–1987 jyldary Júsipbek Elebekov atyndaǵy respýblikalyq estrada-tsirk oqý ornynda belgili ánshi Laki Kesoglýdyń klasynda bilim alǵan.
1987 jyly Iýrmalada ótken búkilodaqtyq estrada oryndaýshylary baiqaýynda "Kórermender kózaiymy" atalymy boiynsha marapattalǵan. Sol jyly "Jańa esim" búkilodaqtyq baiqaýynyń laýreaty atanyp, Máskeýdegi "Vivat, Viktoriia" halyqaralyq konkýrsynyń gran-priin jeńip alǵan.
Onyń repertýarynda "Syr sulýy", "Aiala sen meni", "Túngi jańbyr", "Jan áke" jáne basqa da tanymal ánder bar.
2005 jyly óner salasyna qosqan úlesi úshin "Qazaqstannyń eńbek sińirgen qairatkeri" qurmetti ataǵyn ielengen. Sonymen qatar ánshi Qazaq ulttyq óner ýniversitetinde ustazdyq qyzmet atqaryp, jas ónerpazdardy tárbieleýmen ainalysqa
