Ázilkesh Tursynbek Qabatovtyń jubaiy Aiman Talǵatqyzy Qaraǵandyǵa barǵan saparynda komandasymen birge aýyryp qalǵanyn aitty, dep habarlaidy ult.kz.

Ol áleýmettik jelidegi paraqshasynda áriptesteriniń basym bóliginiń dene qyzýy kóterilip, muryn men tamaqqa qatysty shaǵymdary bolǵanyn jetkizdi. Óziniń de túni boiy uiyqtai almaǵanyn aitty.

“Qaraǵandyǵa kelip, barlyǵymyz komandamen aýyryp qaldyq. Virýs bir-birimizden juqty ma, bilmeimin. Búgin quladyq. Túnimen uiyqtai almadyq. Muryn, tamaq, temperatýra… Bittik. Bir kisiden basqamyz quladyq. Biraq jumys toqtamaidy”, – dedi ol.

Aiman Talǵatqyzy syrqattanyp júrgenine qaramastan, jumysyn jalǵastyryp jatqanyn jetkizdi. Jaǵdaiyn ázilge buryp, oqyrmandaryna densaýlyq tiledi.

“Aýyrǵannyń bir paidasy – aryqtap, erkelep qalasyń ǵoi, iá? Biraq aýyrmańyzdar”, – dep jazdy ol.

Aita keteiik, Aiman Talǵatqyzy enesiniń aldynda bilegen videosyn jariialady.

Tursynbek Qabatov kim?

Tursynbek Amanǵaliuly Qabatov — qazaqstandyq ázilkesh, satira akteri jáne telejúrgizýshi. Ol 1979 jylǵy 10 qazanda Batys Qazaqstan oblysy Qaztalov aýdanynyń Aqpáter aýylynda dúniege kelgen. Kópshilikke KVN oiyndary arqyly tanylǵan. Stýdenttik kezinen sahnaǵa shyǵyp, “Agrarka sarbazdary”, “Astana.kz” jáne “Qazaqtar” komandalarynyń quramynda óner kórsetken. 2011 jyldan bastap “Ázil álemi” ázil-syqaq teatryna jetekshilik etken.

2009 jyly Astanadaǵy Beibitshilik jáne kelisim saraiynda, keiin Almatydaǵy Respýblika saraiynda jeke ázil keshterin ótkizgen. 2010 jyly “Qazaqstan” ulttyq arnasyndaǵy “Eki juldyz” mýzykalyq jobasyna qatysyp, ánshi Farida Niiazovamen jup bolǵan.
 

Onyń shyǵarmashylyq jolynda KVN oiyndarymen qatar, jeke kontsertter men televiziialyq jobalar da mańyzdy oryn alady.  Kino salasynda da baǵyn synap, “Alyp qashý operatsiiasy” jáne “Ǵashyq júrek – 2” filmderine túsken. Almatyda kórermenge usynǵan “Sahnada 20 jyl” atty kontserti ónerdegi mereitoiyna arnalǵan.