Quryltai depýtaty Liýdmila Li turmystyq zorlyq-zombylyq pen qýdalaýǵa ushyraǵan áielder men balalarǵa jedel kómek kórsetýge arnalǵan «PANA» jobasyn memlekettik tsifrlyq platformaǵa qosýdy usyndy. Ol Eńbek jáne halyqty áleýmettik qorǵaý ministrligi men Mádeniet jáne aqparat ministrliginen jobany iske asyrýǵa kedergi keltirmeýdi talap etti, dep habarlaidy ult.kz.
Depýtattyń aitýynsha, Qazaqstanda azamattardyń quqyǵyn qorǵaýǵa, otbasylyq-turmystyq zorlyq-zombylyqtyń aldyn alýǵa baǵyttalǵan zańdar qabyldanǵanymen, is júzinde zardap shekkenderge kómek kóbine oqiǵadan keiin ǵana kórsetiledi. Al qaýip tóngen sátte jábirlenýshige birden panalaityn oryn tabý qiyn.
Osy máseleni sheshý úshin «PANA» qoǵamdyq jobasy ázirlengen. Onyń aiasynda dúkender, dárihanalar, OSI jáne PIK keńseleri qaýipsizdik núktelerine ainalýy múmkin. Jobaǵa qatysýǵa birqatar nysannyń ókilderi kelisim bergen.
Jospar boiynsha, úiine jaqyn jerden esiginde «PANA» belgisi bar nysandy kórgen áiel nemese bala sol jerge kirip, kómek surai alady. Qyzmetkerler arnaiy úsh qadamnan turatyn hattama boiynsha áreket etedi: jábirlenýshini qyzmettik bólmege kirgizip, agressordan oqshaýlaidy, alǵashqy kómek kórsetip, tiisti qyzmetterdi shaqyrady.
Liýdmila Lidiń sózinshe, joba memlekettik biýdjetten qarjy bólýdi qajet etpeidi. Sebebi ol jumys istep turǵan dúkender men basqa da nysandardyń bazasynda júzege asyrylmaq.
Depýtat jobany Ishki ister ministrligi qoldaitynyn da atap ótti. Onyń aitýynsha, qaýipsizdik núkteleriniń qyzmetkerlerine IIM-niń qoǵamdyq kómekshileri mártebesin berý qarastyrylǵan. Olar táýligine 12 saǵat kezekshilik atqaryp, beinebaqylaý ornatylǵan turaqty oryndarda jumys isteidi.
Jobany FSM Social platformasyna qosý usynyldy
Depýtat «PANA» jobasyn tolyq iske asyrý úshin ony prokýratýra, IIM, «Januia» otbasyn qoldaý ortalyqtary men daǵdarys ortalyqtaryn biriktiretin FSM Social tsifrlyq platformasyna qosý qajet dep sanaidy.
Onyń pikirinshe, bul júie arqyly zorlyq-zombylyq nemese qýdalaý belgileri týraly aqparatty tiisti memlekettik organdar bir ýaqytta ala alady. Sondai-aq árbir qoǵamdyq kómekshiniń jumysy tsifrlyq kartada tirkelip, olardyń qyzmetin baqylaýǵa múmkindik týady.
Liýdmila Li tsifrlyq júiede oqiǵalar týraly aqparattyń saqtalýy óńirlerdegi yqtimal zańsyz áreketter men isti jasyrý jaǵdailarynyń aldyn alýǵa kómektesetinin atap ótti.
Depýtattyń málimetinshe, Astana, Kókshetaý jáne Temirtaý qalalary jobany pilottyq rejimde iske qosýǵa daiyn. Alaida onyń aitýynsha, tiisti ministrlikter jobany FSM Social júiesine qosýǵa qajetti ruqsat pen tehnikalyq múmkindik bermei otyr.
Osyǵan bailanysty Liýdmila Li Eńbek jáne halyqty áleýmettik qorǵaý ministrligi men Mádeniet jáne aqparat ministrliginen:
- «PANA» jobasynyń FSM Social platformasyna qosylýyna kedergi keltirmeýdi;
- pilottyq qalalardaǵy qoǵamdyq kómekshiler úshin jeke IP-mekenjai men birjaqty tehnikalyq arna bólýdi talap etti.
Depýtat bul bastama memlekettik organdar men biznestiń kúshin biriktirip, zorlyq-zombylyq qurbandaryna der kezinde kómek kórsetýge múmkindik beredi dep esepteidi.
