Sportshy Qýat Hamitov Almatyda ótken “Qazaq arýy – 2026” baiqaýyna qatysty pikir bildirip, onyń ataýyn ózgertýdi usyndy, dep habarlaidy ult.kz.

Ol áleýmettik jelidegi jazbasynda “Qazaq arýy” ataýy tutas ultqa qatysty ekenin aityp, baiqaýdyń mazmuny men qatysýshylaryna kóńili tolmaitynyn jetkizdi.

“Bul baiqaýdy “Qazaq arýy” emes, “Baian arýy” dep ózgertý kerek! “Qazaq” degen sózdi aitqanda, bul búkil ultqa, bárimizge qatysty bolady”, – dep jazdy Hamitov.

Sportshy qazaq qyzdarynyń arasynda kórkimen de, tárbiesimen de erekshelenetin, baiqaýǵa laiyq boijetkender kóp ekenin aitty. Sonymen birge qatysýshylardyń baiqaýǵa kelýdegi maqsatyna qatysty jeke paiymyn bildirdi.

“Bizdiń ultymyzda ádemi, laiyqty qyzdar jeterlik. Al bular nazar jetispegendikten júrgender. Olardyń bul baiqaýǵa ne úshin qatysatynyn bárimiz jaqsy bilemiz”, – dedi ol.

Aita keteiik, Asha Mataidyń suraǵy “Qazaq arýy” qatysýshysyn abdyratty.

Qýat Hamitov kim? 
 

Qýat Hamitov — “Naiman” laqap atymen tanylǵan qazaqstandyq aralas jekpe-jek (MMA) sportshysy. Ol 1988 jylǵy 22 aqpanda Almaty oblysynda dúniege kelgen.

Kásibi mansabynda Fight Nights Global jáne basqa da halyqaralyq uiymdardyń jarystaryna qatysqan. 

Grek-rim kúresinen sport sheberi. “Alash Pride” klýbynyń atynan óner kórsetip, Bushido jáne SFL týrnirlerinde jeńiske jetken.