سپورتشى قۋات حاميتوۆ الماتىدا ٶتكەن “قازاق ارۋى – 2026” بايقاۋىنا قاتىستى پٸكٸر بٸلدٸرٸپ, ونىڭ اتاۋىن ٶزگەرتۋدٸ ۇسىندى, دەپ حابارلايدى ult.kz.
ول ەلەۋمەتتٸك جەلٸدەگٸ جازباسىندا “قازاق ارۋى” اتاۋى تۇتاس ۇلتقا قاتىستى ەكەنٸن ايتىپ, بايقاۋدىڭ مازمۇنى مەن قاتىسۋشىلارىنا كٶڭٸلٸ تولمايتىنىن جەتكٸزدٸ.
“بۇل بايقاۋدى “قازاق ارۋى” ەمەس, “بايان ارۋى” دەپ ٶزگەرتۋ كەرەك! “قازاق” دەگەن سٶزدٸ ايتقاندا, بۇل بٷكٸل ۇلتقا, بەرٸمٸزگە قاتىستى بولادى”, – دەپ جازدى حاميتوۆ.
سپورتشى قازاق قىزدارىنىڭ اراسىندا كٶركٸمەن دە, تەربيەسٸمەن دە ەرەكشەلەنەتٸن, بايقاۋعا لايىق بويجەتكەندەر كٶپ ەكەنٸن ايتتى. سونىمەن بٸرگە قاتىسۋشىلاردىڭ بايقاۋعا كەلۋدەگٸ ماقساتىنا قاتىستى جەكە پايىمىن بٸلدٸردٸ.
“بٸزدٸڭ ۇلتىمىزدا ەدەمٸ, لايىقتى قىزدار جەتەرلٸك. ال بۇلار نازار جەتٸسپەگەندٸكتەن جٷرگەندەر. ولاردىڭ بۇل بايقاۋعا نە ٷشٸن قاتىساتىنىن بەرٸمٸز جاقسى بٸلەمٸز”, – دەدٸ ول.
ايتا كەتەيٸك, اشا ماتايدىڭ سۇراعى “قازاق ارۋى” قاتىسۋشىسىن ابدىراتتى.
قۋات حاميتوۆ كٸم?
قۋات حاميتوۆ — “نايمان” لاقاپ اتىمەن تانىلعان قازاقستاندىق ارالاس جەكپە-جەك (مما) سپورتشىسى. ول 1988 جىلعى 22 اقپاندا الماتى وبلىسىندا دٷنيەگە كەلگەن.
كەسٸبي مانسابىندا Fight Nights Global جەنە باسقا دا حالىقارالىق ۇيىمداردىڭ جارىستارىنا قاتىسقان.
گرەك-ريم كٷرەسٸنەن سپورت شەبەرٸ. “Alash Pride” كلۋبىنىڭ اتىنان ٶنەر كٶرسەتٸپ, Bushido جەنە SFL تۋرنيرلەرٸندە جەڭٸسكە جەتكەن.
