Memleket basshysy Qasym-Jomart Toqaev Network School jobasynyń negizin qalaýshy Baladji Shrinivasandy qabyldady. Kezdesýde Qazaqstandaǵy tehnologiialyq ekojúieni damytý, tsifrlyq bilim berý jáne innovatsiialyq jobalardy qoldaý máseleleri talqylandy, dep habarlaidy ult.kz.
Prezident Network School jobasynyń Qazaqstandaǵy tehnologiialyq ekojúieniń qalyptasýyna qosqan úlesin joǵary baǵalap, yntymaqtastyqty odan ári nyǵaitýǵa daiyn ekenin jetkizdi.
Qasym-Jomart Toqaev elimiz tehnologiiany tereń meńgergen kóshbasshylardyń jańa býynyn tárbieleý úshin bilimge, ǵylymǵa jáne tsifrlyq quzyretterdi damytýǵa belsendi investitsiia salyp jatqanyn atap ótti.
Osy rette Memleket basshysy jýyrdaǵy Joldaýynda jariialanǵan «Halyqtyq qurylys» bastamasyna toqtaldy. Onyń aitýynsha, bul joba keleshek urpaqqa mańyzdy mura qaldyrýǵa múmkindik beredi. Baǵdarlama aiasynda mektepter, ýniversitetter jáne meditsinalyq mekemeler siiaqty áleýmettik infraqurylym nysandaryn salý josparlanǵan.
Prezident Astanada Network School Kazakhstan jelisiniń iske qosylýyn quptap, jobanyń Qazaqstan ýniversitetterimen, startaptarymen jáne tehnologiialyq kásiporyndarymen seriktestikti keńeitý nietin qoldady.
Sonymen qatar Qasym-Jomart Toqaev Astana AI Film festivaline investitsiialyq qoldaý kórsetkeni úshin Baladji Shrinivasanǵa alǵys bildirdi.
Kezdesý barysynda Network School negizin qalaýshy Qazaqstanda ozyq tehnologiialyq sheshimder men ekonomikanyń dástúrli salalary úilesim taýyp otyrǵanyn atap ótti. Sondai-aq ol Network School Kazakhstan jobasynyń basym baǵyttaryn tanystyrdy. Olardyń qatarynda tsifrlyq sheshimderdi damytý, adam kapitalyn jetildirý jáne innovatsiialyq ázirlemelerdi engizýge qolaily jaǵdai jasaý bar.
Kezdesý sońynda Memleket basshysy Baladji Shrinivasandy Qazaqstandaǵy jasandy intellekt pen innovatsiiany damytýǵa qosqan úlesi úshin II dárejeli «Dostyq» ordenimen marapattady.
