ورالدا ٷش جاسٶسپٸرٸم جٷرٸپ كەلە جاتقان اۆتوبۋستىڭ ارتىنا جابىسىپ, قاۋٸپتٸ ەرەكەتكە بارعان. وقۋشىلاردىڭ بۇل قىلىعى پوليتسييا نازارىنا ٸلٸگٸپ, اتا-انالارى ەكٸمشٸلٸك جاۋاپكەرشٸلٸككە تارتىلدى, دەپ حابارلايدى ult.kz.
Polisia.kz مەلٸمەتٸنشە, وقيعا 3 قاراشا كٷنٸ ساعات 18:30 شاماسىندا اباي داڭعىلىندا بولعان. ٷش جاسٶسپٸرٸم №22 باعىتتاعى اۆتوبۋستىڭ ارتقى بٶلٸگٸنە جابىسىپ, اياقتارىن كٶلٸكتٸڭ بٶلشەكتەرٸنە تٸرەپ, قوزعالىس كەزٸندە بٸرگە ٸلەسٸپ جٷرگەن.
ابىروي بولعاندا, وقۋشىلار زارداپ شەككەن جوق.
وقيعا تۋرالى اقپارات العان پوليتسييا قىزمەتكەرلەرٸ بەينەجازبالاردى اۋماقتاعى مەكتەپتەردٸڭ پوليتسييا ينسپەكتورلارىنا جولداعان. نەتيجەسٸندە جاسٶسپٸرٸمدەردٸڭ قالا مەكتەپتەرٸنٸڭ بٸرٸندە وقيتىن 8-9 سىنىپ وقۋشىلارى ەكەنٸ انىقتالدى.
پوليتسييا قىزمەتكەرلەرٸ مەكتەپ ەكٸمشٸلٸگٸمەن بٸرلەسٸپ, وقۋشىلار مەن ولاردىڭ اتا-انالارىن شاقىرىپ, تٷسٸندٸرۋ جۇمىستارىن جٷرگٸزدٸ. جاسٶسپٸرٸمدەرگە مۇنداي ەرەكەتتٸڭ ادام ٶمٸرٸنە تٶندٸرەتٸن قاۋپٸ تٷسٸندٸرٸلدٸ.
وقيعاعا بايلانىستى كەمەلەتكە تولماعانداردىڭ اتا-انالارى زاڭناماعا سەيكەس ەكٸمشٸلٸك جاۋاپكەرشٸلٸككە تارتىلدى.
پوليتسييا ٶكٸلدەرٸ اتا-انالاردى بالالارىنىڭ قاۋٸپسٸزدٸگٸنە بەيجاي قاراماۋعا شاقىردى. مامانداردىڭ ايتۋىنشا, جٷرٸپ كەلە جاتقان كٶلٸككە جابىسىپ جٷرۋ اۋىر زارداپتارعا ەكەلۋٸ مٷمكٸن.
