قاراعاندىداعى بيزنەس-ورتالىقتاردىڭ بٸرٸندە استانادان كەلگەن 46 جاستاعى ەر ادامنىڭ سٶمكەسٸنەن 2 ملن تەڭگە ۇرلاندى. ول زاتتارىن بٸرنەشە مينۋتقا قاراۋسىز قالدىرعان سەتتە اقشاسىنان ايىرىلىپ قالعان, دەپ حابارلايدى ult.kz.
Polisia.kz مەلٸمەتٸنشە, ەر ادام اقشانىڭ جوعالعانىن قىزمەت اقىسىن تٶلەۋ كەزٸندە بايقاعان. وسىدان كەيٸن بٸردەن پوليتسيياعا حابار بەرگەن.
جەدەل-ٸزدەستٸرۋ شارالارى بارىسىندا قاراعاندى قالالىق پوليتسييا باسقارماسىنىڭ قىزمەتكەرلەرٸ كٷدٸكتٸنٸڭ جەكە باسىن انىقتاپ, ونى ۇستادى. كٷدٸكتٸ 37 جاستاعى قالا تۇرعىنى بولىپ شىقتى. ول ۇرلىق جاساعانىن مويىنداعان.
الايدا جەبٸرلەنۋشٸنٸڭ اقشاسىن قايتارۋ مٷمكٸن بولماعان. كٷدٸكتٸ قولدى بولعان 2 ملن تەڭگەنٸ جەكە قاجەتتٸلٸكتەرٸنە جۇمساپ ٷلگەرگەن.
قازٸرگٸ ۋاقىتتا قىلمىستىق ٸس بويىنشا تەرگەۋ اياقتالىپ, ماتەريالدار سوتقا جولداندى.
