Qaraǵandydaǵy biznes-ortalyqtardyń birinde Astanadan kelgen 46 jastaǵy er adamnyń sómkesinen 2 mln teńge urlandy. Ol zattaryn birneshe minýtqa qaraýsyz qaldyrǵan sátte aqshasynan aiyrylyp qalǵan, dep habarlaidy ult.kz.
Polisia.kz málimetinshe, er adam aqshanyń joǵalǵanyn qyzmet aqysyn tóleý kezinde baiqaǵan. Osydan keiin birden politsiiaǵa habar bergen.
Jedel-izdestirý sharalary barysynda Qaraǵandy qalalyq politsiia basqarmasynyń qyzmetkerleri kúdiktiniń jeke basyn anyqtap, ony ustady. Kúdikti 37 jastaǵy qala turǵyny bolyp shyqty. Ol urlyq jasaǵanyn moiyndaǵan.
Alaida jábirlenýshiniń aqshasyn qaitarý múmkin bolmaǵan. Kúdikti qoldy bolǵan 2 mln teńgeni jeke qajettilikterine jumsap úlgergen.
Qazirgi ýaqytta qylmystyq is boiynsha tergeý aiaqtalyp, materialdar sotqa joldandy.
