اقمولا وبلىسىندا جول اپاتىنان اۋىر جاراقات العان پوليتسييا قىزمەتكەرٸ قايتىس بولدى. اقمولا وبلىسى مەن استانا قالاسىنىڭ دەرٸگەرلەرٸ ونىڭ ٶمٸرٸن ساقتاپ قالۋعا بار كٷشٸن سالعانىمەن, نەتيجە بولمادى, دەپ حابارلايدى ult.kz.
اقمولا وبلىسى پوليتسييا دەپارتامەنتٸنٸڭ باسپاسٶز قىزمەتٸ حابارلاعانداي, 4 قاراشادا پوليتسييا كاپيتانى دانييار تاەۆ اۋرۋحانادا كٶز جۇمدى. ول قىزمەتتٸك مٸندەتٸن اتقارىپ جٷرگەندە جول اپاتىنا ۇشىراعان.
— وسى وقيعاعا بايلانىستى قىلمىستىق ٸس قوزعالدى. JAC كٶلٸگٸنٸڭ جٷرگٸزۋشٸسٸ ۇستالىپ, ۋاقىتشا ۇستاۋ يزولياتورىنا قامالدى. تەرگەۋ جٷرٸپ جاتىر. ٸشكٸ ٸستەر مينيسترلٸگٸنٸڭ باسشىلىعى مەن قىزمەتكەرلەرٸ قازا تاپقان پوليتسەيدٸڭ وتباسى مەن جاقىندارىنا كٶڭٸل ايتادى, — دەپ حابارلادى ۆەدومستۆو.
جول اپاتىنان كەيٸن پوليتسييا قىزمەتكەرٸ شورتاندى اۋداندىق اۋرۋحاناسىنا جەتكٸزٸلگەن. اقمولا وبلىسى دەنساۋلىق ساقتاۋ باسقارماسىنىڭ مەلٸمەتٸنشە, ونىڭ جاعدايى اسا اۋىر بولعان. ەر ادام كوماعا تٷسكەن.
دەرٸگەرلەر ناۋقاستىڭ جاعدايىن بٸرلەسٸپ باعالاپ, ونى استاناداعى № 2 كٶپبەيٸندٸ وبلىستىق اۋرۋحاناعا اۋىستىرعان.
— دەرٸگەرلەر بارلىق قاجەتتٸ رەانيماتسييالىق شارانى جٷرگٸزگەنٸمەن, ناۋقاستىڭ ٶمٸرٸن ساقتاپ قالا المادى. ول جول اپاتىنان العان اۋىر جاراقاتتارىنىڭ سالدارىنان قايتىس بولدى, — دەپ تٷسٸندٸردٸ دەنساۋلىق ساقتاۋ باسقارماسى.
ەسكە سالايىق, بۇعان دەيٸن اقمولا وبلىسىنداعى تاسجولدا پوليتسييانىڭ قىزمەتتٸك كٶلٸگٸ جول اپاتىنا ۇشىراعان ەدٸ. JAC T9 كٶلٸگٸنٸڭ جٷرگٸزۋشٸسٸ جىلدامدىقتى شەكتەن اسىرىپ, قاۋٸپسٸز اراقاشىقتىقتى ساقتاماي, پوليتسييا كٶلٸگٸنە سوقتىعىسقان. وقيعا كەزٸندە پوليتسييا قىزمەتكەرلەرٸ ارنايى جول تەحنيكاسىن سٷيەمەلدەپ, جول قوزعالىسىنىڭ قاۋٸپسٸزدٸگٸن قامتاماسىز ەتٸپ جٷرگەن.
