Shymkentte bolǵan rezonansty qylmysqa qatysy bar alty adam 20 jyldan 23 jylǵa deiin bas bostandyǵynan aiyryldy. Olar buǵan deiin de sottalǵan. Sot úkimi áli zańdy kúshine engen joq jáne oǵan shaǵym túsirýge bolady, dep habarlaidy ult.kz.
Tergeý barysynda sottalýshylarǵa aldyn ala sóz bailasý arqyly top bolyp buzaqylyq jasaý, pyshaq qoldaný, buzaqylyq nietpen adam óltirýge oqtalý, sondai-aq ómirge qaýipti kúsh pen qarý qoldanyp, adam urlaý jáne keiin ony asa qatygezdikpen óltirý aiyptary taǵylǵan.
Qala turǵyndaryn dúr silkindirgen oqiǵa biyl 20 qańtarda Shymkenttiń adam kóp júretin kósheleriniń birinde bolǵan. Sýyq qarý qoldanylǵan tóbeles pen adam urlaý sáti beinebaqylaý kameralaryna túsip qalǵan. Alaida politsiia oqiǵa ornyna der kezinde jetip úlgermegen.
Birneshe saǵattan keiin qylmyskerler urlanǵan qala turǵyny Vasilii Kolesnikovtyń azaptalǵan denesin Shymkentten 100 shaqyrym qashyqtyqtaǵy Ordabasy aýdanyna qarasty Temirlan aýylyna tastap ketken.
Onymen birge kólikte bolǵan eki tanysy aman qalǵan. Olardyń bireýi aýyr jaraqat alyp, kóp qan joǵaltqandyqtan, ólim aýzynan qalǵan.
Shymkent qalasynyń qylmystyq ister jónindegi mamandandyrylǵan soty sottalýshylardyń kinásin dáleldengen dep tanydy.
Aita keteiik, kúdiktilerdiń biri áli kúnge deiin tergeýden jasyrynyp júr.
Jappai tóbeleste qaza tapqan jigittiń ákesi jan syryn aqtardy.
