Almatyda saýda ortalyǵynda kúzetshimen jáne kelýshilermen sózge kelgen 40 jastaǵy er adam ákimshilik jaýapkershilikke tartyldy. Ol janjal kezinde «Bul – orys eli» dep málimdegen. Sot sheshimimen er adam 20 táýlikke ákimshilik qamaqqa alyndy, dep habarlaidy ult.kz.
Oqiǵa túsirilgen video áleýmettik jelilerde tarady. Kadrlardan sýpermarketten shyǵyp bara jatqan er adamnyń qolynda energetikalyq sýsyn baryn kórýge bolady. Sol kezde kúzetshi odan satyp alǵan taýarynyń chegin kórsetýdi suraidy.
Alaida er adam kúzetshimen sózge kelip qalady. Janjalǵa basqa kelýshiler de aralasyp, odan qyzmetkermen sypaiy sóilesýdi talap etedi.
Osy kezde er adam «Bul – orys eli» dep aitady. Oǵan kelýshilerdiń biri Qazaqstannyń qazaq eli ekenin aityp, kúzetshiniń ótinishin oryndap, ony qurmetteýge shaqyrady.
Keiin kúzetshi chekti tekserip, taýardyń aqysyn tólegenine kóz jetkizgen.
Almaty qalalyq politsiia departamentiniń málimetinshe, áleýmettik jelide taraǵan videoǵa qatysty tekserý júrgizilgen. Nátijesinde 40 jastaǵy Almaty turǵyny anyqtalyp, politsiia bólimine jetkizilgen.
Sot sheshimimen ol 20 táýlikke ákimshilik qamaqqa alynǵan.
