پاۆلوداردا پروباتسييا قىزمەتٸنٸڭ بۇرىنعى ينسپەكتورى سوتتالعان ازاماتتان 400 مىڭ تەڭگە پارا العانى ٷشٸن 12 ملن تەڭگە ايىپپۇل تٶلەۋگە مٸندەتتەلدٸ, دەپ حابارلايدى ult.kz.
سوت ماتەريالدارىنا سەيكەس, الاياقتىق ٷشٸن باس بوستاندىعىن شەكتەۋ جازاسىنا كەسٸلگەن ازامات ەكٸ رەت جول ەرەجەسٸن بۇزعان. ال ونىڭ تەرتٸبٸن باقىلاۋعا مٸندەتتٸ 39 جاستاعى ينسپەكتور بۇل زاڭبۇزۋشىلىقتاردى جاسىرۋ ٷشٸن اقشا تالاپ ەتكەن.
ەكس-قىزمەتكەر سوتتالعان ازاماتتىڭ قۇقىق بۇزۋشىلىقتارى تۋرالى شارا قولدانباۋعا جەنە جازاسىنىڭ ٶتەلمەگەن بٶلٸگٸن تٷرمەگە قاماۋمەن اۋىستىرۋ تۋرالى سوتقا ۇسىنىس ەنگٸزبەۋگە ۋەدە بەرگەن.
ول كەلٸسٸلگەن 400 مىڭ تەڭگەنٸ العان سەتتە ۇستالدى.
سوتتا كٸنەسٸن مويىنداعان بۇرىنعى ينسپەكتور باس بوستاندىعىنان ايىرۋ جازاسىن تاعايىنداماۋدى سۇراعان. سوت وعان 12 ملن تەڭگە ايىپپۇل سالۋ تۋرالى ٷكٸم شىعاردى.
