تانىمال بلوگەر رىسبالا يكرامباي توي ٷستٸندە كٷتپەگەن سىيلىققا يە بولىپ, قۋانىشتان كٶزٸنە جاس الدى. ول 300 قوناقتىڭ اراسىنان قاسيەتتٸ مەككەگە جولداما ۇتىپ العانىن ايتىپ, ەسەرٸمەن بٶلٸستٸ, دەپ حابارلايدى ult.kz.
بلوگەردٸڭ ايتۋىنشا, جۋىردا جولداسىمەن اقىلداسىپ, ەنەسٸن كٸشٸ قاجىلىققا اتتاندىرعان. ارادا كٶپ ۋاقىت ٶتپەي, دەل وسىنداي ساپار ٶزٸنە دە بۇيىرعان.
رىسبالا يكرامباي بۇل قۋانىشتى جاڭالىقتى ەلەۋمەتتٸك جەلٸدەگٸ پاراقشاسىندا جارييالادى. ول مۇحتار حانزادا ەسٸمدٸ دوسىنىڭ بالاسىنا ارناپ ۇيىمداستىرعان سٷندەت تويىنا قاتىسقان. مەرەكەلٸك كەش بارىسىندا قوناقتار اراسىندا ۇمرا ساپارىنا ەكٸ جولداما ويناتىلعان.
"بٷگٸن مۇحتار حانزادا دوسىمىزدىڭ شاڭىراعىندا ٷلكەن توي بولدى. اتا-انالىق مٸندەتٸن اتقارىپ, سٷندەت توي جاسادى. توي قوناقتارىنىڭ اراسىندا ەكٸ جانعا ۇمرا ساپارىنا جولداما ويناتتى. عايىپتان تايىپ, تويداعى 300 قوناقتىڭ اراسىنان بٸرٸنشٸسٸن بٸزدٸڭ وتباسىنا نەسٸپ ەتتٸ. ەكٸنشٸسٸ ەبدٸجاپپار ەلقوجانىڭ وتباسىنا بۇيىردى", – دەپ جازدى بلوگەر.
رىسبالا بۇل جاعدايدى ٶزٸ ٷشٸن كٷتپەگەن سىي دەپ قابىلداعانىن جاسىرمادى. ونىڭ سٶزٸنشە, بۇعان دەيٸن مەككەگە بارۋعا جٷرەكسٸنٸپ جٷرگەن.
"ويلاڭدارشى. مەن مەككەگە بارىپ كەلگەن سوڭ وعان لايىقتى جٷرە المايمىن دەپ قاشىپ جٷرگەن ەدٸم, بٷگٸن تويدا بۇيىرتتى", – دەپ اعىنان جارىلدى ول.
وسىلايشا, بٸر تويدا ەكٸ وتباسى قاسيەتتٸ مەكەنگە جولداما يەلەندٸ. بلوگەر قۋانىشىن وقىرماندارىمەن بٶلٸسٸپ, بۇل وقيعانىڭ ٶزٸ ٷشٸن ەرەكشە مەنگە يە بولعانىن جەتكٸزدٸ.
رىسبالا يكرامباي كٸم?
رىسبالا (ىرىسبالا) يكرامباي – قازاقستاندىق تانىمال بلوگەر, كەسٸپكەر جەنە قايىرىمدىلىق شارالارىن ۇيىمداستىرۋشى.
ونىڭ تولىق اتى-جٶنٸ – ىرىسبالا مەيرامحانقىزى يكرامباي.
ول كٶپشٸلٸككە العاش "قالاۋلىم" تەلەجوباسىنا قاتىسۋى ارقىلى تانىلا باستاعان.
كەيٸن ەلەۋمەتتٸك جەلٸدە بەلسەندٸلٸك تانىتىپ, قايىرىمدىلىق جوبالارىمەن كەڭٸنەن تانىلدى.
بلوگەر شىمكەنت قالاسىندا تٸركەلگەن "ىرىستى" قوعامدىق قايىرىمدىلىق قورىنىڭ باسشىسى, قور 2023 جىلعى 30 قاڭتاردا تٸركەلگەن. ول حالىقتىڭ قولداۋىمەن تۇرمىسى تٶمەن وتباسىلاردىڭ باسپانالى بولۋىنا كٶمەكتەسٸپ كەلەدٸ.
رىسبالا يكرامباي – تٶرت بالانىڭ اناسى, ەلەۋمەتتٸك جەلٸدە وتباسى, بالا تەربيەسٸ جەنە قوعامداعى ٶزەكتٸ مەسەلەلەر تۋرالى پٸكٸرٸن اشىق ايتىپ جٷر.
