تانىمال پروديۋسەر ەلييا قۇدايبەرگەنوۆا قازاق كينوسىنىڭ اڭىز اكتريساسى مەرۋەرت ٶتەكەشوۆا تۋرالى ەسەرلٸ جازبا جارييالادى. ول ٶنەر يەسٸنٸڭ باسىنان ٶتكەن اۋىر تاعدىرىنا قاراماستان, سابىرلى قالپىنان تانباعانىن ايتىپ, اكتريساعا دەگەن ەرەكشە قۇرمەتٸن بٸلدٸردٸ, دەپ حابارلايدى ult.kz.
پروديۋسەر Instagram پاراقشاسىندا مەرۋەرت ٶتەكەشوۆامەن بٸرگە تٷسكەن سۋرەتٸن جارييالاپ, اكتريسانىڭ سىرتقى سۇلۋلىعىمەن قاتار, جان دٷنيەسٸنٸڭ تازالىعىنا تەنتٸ ەكەنٸن جەتكٸزگەن.
"ارۋ دەسە ارۋ عوي! تابيعات سىيلاعان سۇلۋلىقتىڭ سىنى دا, سىرى دا كەتپەيدٸ. مەرۋەرت اپايمەن ەستەلٸككە سۋرەتكە تٷستٸم. پاراقشامدا تۇرسىن دەدٸم. اپايدىڭ جٷزٸ عانا سۇلۋ ەمەس, جانى دا سۇلۋ. جانى سۇلۋ, جانى كٶركەم بولماسا اناداي اسپانداپ تۇرعان اتاققا قىلاۋ تٷسٸرمەي الىپ جٷرە الار ما ەدٸ?!", – دەپ جازدى ول.
ەلييا قۇدايبەرگەنوۆا اكتريسانىڭ ٶمٸرٸندەگٸ ەڭ اۋىر كەزەڭدەردٸڭ بٸرٸنە دە توقتالعان. ونىڭ سٶزٸنشە, جالعىز ۇلىنان ايىرىلۋ مەرۋەرت ٶتەكەشوۆا ٷشٸن ورنى تولماس قايعى بولعانىمەن, ول ٶمٸردٸڭ قيىندىقتارىنا مويىماي, سابىر ساقتاي بٸلگەن.
"جالعىز ۇلىنان ايىرىلۋ دەگەنٸڭ عۇمىرلىق قايعى عوي… بەرٸنە اسا ٷلكەن سابىرمەن, تەۋبەمەن قارادى. سىرباز, سۇلۋ, پاڭ قالپىن جوعالتىپ المادى. سۇلۋ, مەيٸرٸمدٸ جٷزٸن اشىنىسپەن بىلعامادى. جانىن كٸرلەتپەدٸ. بىلعانبادى", – دەيدٸ پروديۋسەر.
سونداي-اق ول اكتريسانىڭ قاراپايىمدىلىعى مەن كٸشٸپەيٸلدٸلٸگٸن ەرەكشە اتاپ ٶتكەن. پروديۋسەردٸڭ پٸكٸرٸنشە, مەرۋەرت ٶتەكەشوۆا ەلگە تانىمال بولعانىنا قاراماستان, ەشقاشان اتاعىن العا تارتىپ, ٶزگەلەردەن ٶزٸن جوعارى قويماعان.
"قىز جٸبەك بولماي-اق تۇتاس ەلگە مٸندەت ارتاتىندار قانشاما, قۇداي-اۋ! ونىڭ جانىندا بۇل كٸسٸ بٸر پەرٸشتە كەيٸپتەگٸ ادام عوي! ۇزااق جاساڭىز!", – دەپ جازباسىن اياقتاعان ول.
جەلٸ قولدانۋشىلارى نە دەيدٸ?
پروديۋسەردٸڭ جٷرەكجاردى جازباسى ەلەۋمەتتٸك جەلٸ قولدانۋشىلارىن دا بەيجاي قالدىرماعان. وقىرماندار مەرۋەرت ٶتەكەشوۆانىڭ سۇلۋلىعى مەن ادامگەرشٸلٸگٸن دەرٸپتەپ, ەلييا قۇدايبەرگەنوۆانىڭ جازۋ مەنەرٸنە دە جوعارى باعا بەرگەن.
"قالاي كٶركەم تٸلمەن ٶتە ساۋاتتى بولمىستى اشىپ, تەرەڭ تٷسٸندٸردٸڭٸز. جازۋ مەنەرٸڭٸز قاتتى ۇنادى. ەسٸرەسە, اشىنعانمەن بىلعامادى دەگەنٸ ٶتە تەرەڭ, كٶپ سۇلۋعا وي سالدىڭىز", – دەپ جازعان وقىرمانداردىڭ بٸرٸ.
تاعى بٸر جەلٸ قولدانۋشىسى اكتريسانى قازاق سۇلۋلىعىنىڭ سيمۆولىنا بالاعان.
"قانداي ەدەمٸ, كٶركەم جازاسىز! سٸزدٸ سول ٷشٸن جاقسى كٶرەمٸن. سٸزدٸ "جۇلدىزدار وتباسى" كەزٸنەن وقيمىن. قازاق تاريحىندا مەڭگٸ قالاتىن سۇلۋلىقتىڭ سيمۆولى – قىز جٸبەك", – دەپ پٸكٸر قالدىرعان ول.
جەلٸ قولدانۋشىلارىنىڭ كٶپشٸلٸگٸ اكتريساعا ۇزاق عۇمىر تٸلەپ, ونىڭ قازاق كينو ٶنەرٸندەگٸ ورنى ەرەكشە ەكەنٸن اتاپ ٶتكەن.
